പേരിന് മുമ്പുള്ള ഇനീഷ്യല്‍, പി.എസ്.സി വെബ്‌സൈറ്റില്‍ ആധാര്‍ ബന്ധിപ്പിക്കാനാവുന്നില്ല; വേണമെങ്കില്‍ ആധാര്‍ തിരുത്തൂവെന്ന് പി.എസ്.സി
ഡൂള്‍ന്യൂസ് ഡെസ്‌ക്
Sunday, 16th February 2020, 11:17 am
പേരിന് മുമ്പുള്ള ഇനീഷ്യല്‍ കാരണം പബ്ലിക് സര്‍വീസ് കമ്മീഷന്റെ വെബ്‌സൈറ്റില്‍ ആധാര്‍ ബന്ധിപ്പിക്കാനാവാതെ ഉദ്യോഗാര്‍ത്ഥികള്‍. പി.എസ്.സി വെബ്‌സൈറ്റിലെ രീതിയനുസരിച്ച് പേരിനുശേഷമാണ് ഇനീഷ്യല്‍ ചേര്‍ക്കേണ്ടത്.
ഉദ്യോഗാര്‍ത്ഥികള്‍ പ്രശ്‌നം പി.എസ്.സിയില്‍ അറിയച്ചപ്പോള്‍ ആധാറില്‍ മാറ്റം വരുത്താനാണ് പി.എസ്.സി നിര്‍ദേശിച്ചത്.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
ആധാറില്‍ മാറ്റം വരുത്തിയാല്‍ കേന്ദ്രസര്‍ക്കാര്‍ നിയമനങ്ങള്‍ക്ക് പ്രശ്‌നം നേരിടുമോ എന്ന ആശങ്കയിലാണ് ഉദ്യോഗാര്‍ത്ഥികള്‍. സാക്ഷ്യപത്ര സൂക്ഷ്മ പരിശോധനാ സമയത്ത് തടസ്സം നേരിടുമോയെന്നും ഉദ്യോഗാര്‍ത്ഥികള്‍ക്ക് ആശങ്കയുണ്ട്.
