അധോലോക മാഫിയ നടത്തിയ പാര്‍ട്ടിയില്‍ ആമിര്‍ ഖാന്‍ പോയില്ല, അദ്ദേഹത്തിന്റെ ജീവന്‍ തന്നെ അപകടത്തിലായി; നിര്‍മാതാവിന്റെ വെളിപ്പെടുത്തല്‍
എന്റര്‍ടെയിന്‍മെന്റ് ഡെസ്‌ക്
Tuesday, 6th June 2023, 4:49 pm
ആമിര്‍ ഖാനെ പറ്റിയുള്ള നിര്‍മാതാവ് മഹാവീര്‍ ജെയ്‌നിന്റെ വാക്കുകള്‍ ശ്രദ്ധ നേടുകയാണ്. തന്റെ ആദര്‍ശങ്ങളോട് എന്നും ചേര്‍ന്നു നില്‍ക്കുന്ന വ്യക്തിയാണ് ആമിര്‍ ഖാനെന്നും എന്നാല്‍ അദ്ദേഹം ഒരുപാട് തെറ്റിദ്ധരിക്കപ്പെട്ടിട്ടുണ്ടെന്നും മഹാവീര്‍ പറഞ്ഞു.
അധോലോക മാഫിയ സിനിമ ഇന്‍ഡസ്ട്രി ഭരിക്കുന്ന കാലത്ത് അവര്‍ നടത്തുന്ന പാര്‍ട്ടികളില്‍ ആമിര്‍ പങ്കെടുത്തിരുന്നില്ലെന്നും അതിലൂടെ സ്വന്തം ജീവന്‍ പോലും അദ്ദേഹം അപകടത്തിലാക്കിയെന്നും ബോളിവുഡ് ഹങ്കാമക്ക് നല്‍കിയ അഭിമുഖത്തില്‍ മഹാവീര്‍ പറഞ്ഞു.
‘ആമിര്‍ ഭായി ജൈന ആശയങ്ങളില്‍ വളരെയധികം ആകൃഷ്ടനാണ്. ജൈന ആശയങ്ങള്‍ അദ്ദേഹം പിന്തുടരാറുണ്ട്. നല്ലൊരു മനുഷ്യനാണ് ആമിര്‍. എന്നാല്‍ അദ്ദേഹം വളരെയധികം തെറ്റിദ്ധരിക്കപ്പെട്ടിട്ടുണ്ട്. ഇന്ത്യയില്‍ തന്നെ ഒരുപക്ഷേ ഏറ്റവുമധികം തെറ്റിദ്ധിരിപ്പിക്കപ്പെട്ട സെലിബ്രിറ്റി ആമിര്‍ ഖാനാവാം.
