'ഏത് കമ്പനിയെ സഹായിക്കാനാണ് നിങ്ങള്‍ മിണ്ടാതിരിക്കുന്നത്'; പെട്രോള്‍ വിലവര്‍ദ്ധനവില്‍ കേന്ദ്രത്തെ വിമര്‍ശിച്ച് പ്രിയങ്കാ ഗാന്ധി
ഡൂള്‍ന്യൂസ് ഡെസ്‌ക്
Sunday, 15th March 2020, 1:54 pm
ന്യൂദല്‍ഹി: പെട്രോള്‍- ഡീസല്‍ വില വര്‍ദ്ധനവില്‍ കേന്ദ്ര സര്‍ക്കാരിനെ വിമര്‍ശിച്ച് കോണ്‍ഗ്രസ് നേതാവ് പ്രിയങ്കാ ഗാന്ധി.
അന്താരാഷ്ട്രവിപണിയില്‍ ക്രൂഡ് ഓയലിന് വിലകുറഞ്ഞിരിക്കുന്ന സാഹചര്യത്തിലും എന്തുകൊണ്ടാണ് രാജ്യത്തെ സാധാരണക്കാര്‍ക്ക് ഇളവ് നല്‍കാന്‍ കേന്ദ്രത്തിന് സാധിക്കാത്തതെന്ന് പ്രിയങ്ക ചോദിച്ചു.
” ആഗോളതലത്തില്‍ ക്രൂഡ് ഓയലിന് വില കുറഞ്ഞിരിക്കുന്നു. പക്ഷേ ഇന്ത്യയിലാണെങ്കിലോ പെട്രോളിനും ഡീസലിനും വില കൂടിക്കൊണ്ടിരിക്കുകയാണ്. ക്രൂഡ് ഓയലിന് വിലകുറഞ്ഞിട്ടും എന്തുകൊണ്ടാണ് സാധാരണക്കാര്‍ക്ക് അതിന്റെ ഗുണം കിട്ടാത്തത്,” പ്രിയങ്ക ട്വീറ്റ് ചെയ്തു.
