സ്പോര്‍ട്സ് ഡെസ്‌ക്10 min
മലയാളികള്‍ക്ക് ഏറെ പ്രിയപ്പെട്ട നടിയാണ് പ്രിയാമണി. വിവാഹ ശേഷം അഭിനയത്തില്‍ നിന്നും വിട്ടു നിന്ന നടി മമ്മൂട്ടി നായകനായെത്തിയ പതിനെട്ടാംപടി എന്ന സിനിമയിലൂടെയാണ് വീണ്ടും അഭിനയരംഗത്തേക്കെത്തിയത്. ഇപ്പോള്‍ ഇന്‍സ്റ്റഗ്രാമില്‍ പ്രിയാമണി പങ്കുവെച്ച ഫോട്ടോക്ക് താഴെയാണ് നിങ്ങള്‍ എന്തിനാണ് ഒരു മുസ്‌ലിമിനെ വിവാഹം കഴിച്ചതെന്ന ചോദ്യവുമായി ആരാധകന് എത്തിയത്.
‘താങ്കളുടെ രക്ത് ചരിത സിനിമ മുതല്‍ ഒരുപാട് ഇഷ്ടമാണ്, പക്ഷേ താങ്കള്‍ എന്തിനാണ് ഒരു മുസ്‌ലിമിനെ വിവാഹം കഴിച്ചത്’, എന്നാണ് അരുണ്‍ ചൌധരി എന്ന ആരാധകന് ചോദിച്ചത്.
ഉടന്‍ തന്നെ പ്രിയാമണി അതിന് മറുപടിയും നല്‍കി. താന്‍ വിവാഹം കഴിച്ചത് ഒരു ഇന്ത്യനെയാണെന്നാണ് പ്രിയാമണി പറഞ്ഞത്. അതിനു മറുപടിയുമായി ആരാധകന് വീണ്ടുമെത്തി. ‘അതെ സത്യമാണ്. പക്ഷേ താങ്കള്‍ പോയതില്‍ എനിക്കിപ്പോള്‍ അസൂയയുണ്ട് ‘, ആരാധകന് പറഞ്ഞു.
പ്രിയാമണിയുടെ മറുപടി മികച്ചതായെന്നും ജാതിമതഭേദമന്യേ പരസ്പരം വിവാഹം ചെയ്യുന്നത് ചോദ്യം ചെയ്യുന്നവര്‍ക്ക് കൊടുക്കാവുന്നതില്‍ വെച്ച് ഏറ്റവും നല്ല മറുപടിയാണ് പ്രിയാമണി കൊടുത്തതെന്നും മറ്റൊരു ആരാധിക പറഞ്ഞു.
View this post on Instagram
നേരത്തേയും പ്രിയാമണി മുസ്‌ലിമിനെ വിവാഹം കഴിച്ചതുമായി ബന്ധപ്പെട്ട് വിമര്‍ശനങ്ങള്‍ ഉയര്‍ന്നിരുന്നു. സിനിമകളില്‍ നിന്ന് ഇടവേളയെടുത്തിരുന്നെങ്കിലും റിയാലിറ്റി ഷോകളില്‍ വിധി കര്‍ത്താവായും മോഡലിങ്ങ് രംഗത്തും നടി സജീവമായിരുന്നു.
ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ
Content Highlight: Priyamani answered about her marriage to his fan
