അമിത ടോള്‍ അംഗീകരിക്കില്ലെന്ന് സ്വകാര്യ ബസുകള്‍, ഒപ്പം ചേര്‍ന്ന് യാത്രക്കാരും; പന്നിയങ്കര ടോള്‍ പ്ലാസയില്‍ നാടകീയ രംഗങ്ങള്‍
ഡൂള്‍ന്യൂസ് ഡെസ്‌ക്
Monday, 11th April 2022, 10:23 am
പാലക്കാട്: പന്നിയങ്കര ടോള്‍ പ്ലാസയില്‍ പ്രതിഷേധം. ടോളിനായി തടഞ്ഞിട്ട ബസുകള്‍ ബാരിക്കേഡുകള്‍ മാറ്റി യാത്രക്കാര്‍ കടത്തിവിട്ടു. പാലക്കാട്- തൃശൂര്‍ റൂട്ടിലെ ബസുകളാണ് പ്രതിഷേധവുമായി രംഗത്തെത്തിയത്.
ബസുകള്‍ തടഞ്ഞാല്‍ സര്‍വീസ് നിര്‍ത്തിവെക്കാനാണ് ബസുടമകളുടെ തീരുമാനം. തിങ്കളാഴ്ച ഈ റൂട്ടില്‍ സര്‍വീസ്് നടത്തില്ലെന്ന് ബസ് ജീവനക്കാരും ഉടമകളും അറിയിച്ചു. ടോള്‍ പ്ലാസയിലെ ആംബുലന്‍സ് ട്രാക്കിലൂടെയാണ് ബസുകള്‍ കടത്തിവിടുന്നത്. പൊലീസിനെ അറിയിച്ചാണ് ടോള്‍ പ്ലാസ അധികൃതര്‍ സ്ഥിത ശാന്തമാക്കിയത്.
