തെലുങ്കിലേക്ക് തിരിച്ചു വരവിനൊരുങ്ങി പൃഥ്വിരാജ്; പ്രഭാസിനൊപ്പം സലാറില്‍ അഭിനയിക്കുമെന്ന് റിപ്പോര്‍ട്ടുകള്‍
എന്റര്‍ടെയിന്‍മെന്റ് ഡെസ്‌ക്
Tuesday, 19th October 2021, 5:18 pm
ടോളിവുഡിലേക്ക് വീണ്ടും കാല്‍വെയ്പ് നടത്താനൊരുങ്ങി പൃഥ്വിരാജ്. പ്രഭാസ് നായകനാവുന്ന ‘സലാര്‍’ എന്ന ചിത്രത്തിലൂടെയാണ് പൃഥ്വി വീണ്ടും തെലുങ്ക് സിനിമയുടെ ഭാഗമാവാനൊരുങ്ങുന്നത്.
കെ.ജി.എഫിന്റെ സംവിധായകന്‍ പ്രശാന്ത് നീലിന്റെ സംവിധാനത്തിലൊരുങ്ങുന്ന ചിത്രത്തിലൂടെയാണ് പൃഥ്വി വീണ്ടും തെലുങ്കിലേക്കെത്തുന്നത്. ഇതിന് മുന്‍പ് 2010ല്‍ പുറത്തിറങ്ങിയ പൊലീസ് പൊലീസ് എന്ന തെലുങ്ക് ചിത്രത്തിലും പൃഥ്വിരാജ് വേഷമിട്ടിരുന്നു.
പാന്‍ ഇന്ത്യന്‍ സിനിമയായാണ് സലാര്‍ ഒരുങ്ങുന്നതെന്നാണ് റിപ്പോര്‍ട്ടുകള്‍. പൃഥ്വിയുടെ കഥാപാത്രത്തെ കുറിച്ചുള്ള വിവരങ്ങളൊന്നും ഇതുവരെ പുറത്ത് വിട്ടിട്ടില്ല. ശ്രുതി ഹാസന്‍, ജഗപതി ബാബു തുടങ്ങിയവരും ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നു.
