സിനിമാ ജീവിതത്തിലെ ഏറ്റവും വലിയ പാഠം പഠിച്ചത് ആ നടനില്‍ നിന്ന്; പൃഥ്വിരാജ്
എന്റര്‍ടെയിന്‍മെന്റ് ഡെസ്‌ക്
Tuesday, 3rd August 2021, 4:24 pm
കൊച്ചി: സിനിമാ കരിയറിലെ ഏറ്റവും വലിയ ഒരു പാഠം പഠിച്ചത് തെന്നിന്ത്യന്‍ നടന്‍ അജിത് കുമാറില്‍ നിന്നാണെന്ന് പറയുകയാണ് നടന്‍ പൃഥ്വിരാജ്.
2019ല്‍ പുറത്തിറങ്ങിയ ഡ്രൈവിംഗ് ലൈസന്‍സ് എന്ന ചിത്രത്തിന്റെ പ്രമോഷന്‍ പരിപാടിയ്ക്കിടെയായിരുന്നു പൃഥ്വിരാജ് മനസ്സുതുറന്നത്.
‘പ്രൊഫഷണല്‍ ലൈഫിലെ ഏറ്റവും വലിയ പാഠം ഞാന്‍ പഠിച്ചത് അജിത് എന്ന സൂപ്പര്‍ സ്റ്റാറില്‍ നിന്നാണ്. വര്‍ഷങ്ങള്‍ക്ക് മുമ്പാണ്. എന്റെ അടുത്ത സുഹൃത്തുക്കളാണ് സൂര്യയും ജ്യോതികയും. വിവാഹശേഷം രണ്ടാളും ഒരു പുതിയ വീട്ടിലേക്ക് താമസം മാറുകയായിരുന്നു.
ആ വീടിന്റെ ഹൗസ് വാമിംഗിന് എന്നെയും വിളിച്ചു. കാര്‍ത്തി, മാധവന്‍, അജിത് തുടങ്ങി നിരവധി പേര്‍ ആ ചടങ്ങിനെത്തിയിരുന്നു. അന്നാണ് ഞാന്‍ അജിതുമായി ഏറ്റവും കൂടുതല്‍ സമയം സംസാരിച്ചത്.
