'ഇത് വേറെ ലെവലാണ് മോനെ'; പൃഥ്വിരാജ് ചിത്രം 'നയന്റ' മോഷന്‍ പോസ്റ്റര്‍ പുറത്ത് വിട്ടു
എന്റര്‍ടെയിന്‍മെന്റ് ഡെസ്‌ക്
Saturday, 12th May 2018, 6:55 pm
കൊച്ചി:സോണി പിക്ച്ചേഴ്സും പൃഥ്വിരാജ് പ്രൊഡക്ഷനും സംയുക്തമായി ചിത്രീകരിക്കുന്ന നയന്റെ മോഷന്‍ പോസ്റ്റര്‍ പുറത്തിറങ്ങി. പൃഥ്വി തന്നെയാണ് തന്റെ ഫേസ്ബുക്ക് വഴി പോസ്റ്റര്‍ പുറത്ത് വിട്ടത്. കേരളത്തിലും ഹിമാലയത്തിലുമായി ചിത്രീകരിച്ച് ചിത്രം ഒരു സയന്റിഫിക് ഫിക്ഷന്‍ ആയിരിക്കുമെന്നാണ് പോസ്റ്റര്‍ തരുന്ന സൂചന.
100 ഡെയ്സ് ഓഫ് ലൗവിന് ശേഷം സംവിധായകന്‍ കമലിന്റെ മകന്‍ ജെനൂസ് മുഹമ്മദാണ് നയന്‍ സംവിധാനം ചെയ്യുന്നത്. ഒരു ശാസ്ത്രഞ്ജനായാണ് ഈ സയന്‍സ് ഫിക്ഷന്‍ ചിത്രത്തില്‍ പൃഥ്വിരാജ് എത്തുക.രണ്ട് നായികമാരുള്ള ചിത്രത്തിന്റെ ഛായാഗ്രാഹണം നിര്‍വഹിക്കുന്നത് അഭിനന്ദന്‍ രാമാനുജമാണ്.
Also Read നടിയെ ആക്രമിച്ച സംഭവത്തില്‍ തെറ്റായ പ്രചരണം നടത്തുന്നു: നടന്‍ ദിലീപിനെതിരെ 10 കോടിയുടെ മാനനഷ്ടക്കേസുമായി ലിബര്‍ട്ടി ബഷീര്‍
ഏതാനും ദിവസങ്ങള്‍ക്ക് മുമ്പാണ് തന്റെ പുതിയ പ്രൊഡക്ഷന്‍ കമ്പനിയായ പൃഥ്വിരാജ് പ്രൊഡക്ഷന്‍സ് താരം അനൗണ്‍സ് ചെയ്തത്. ഭാര്യ സുപ്രിയ മേനോനും സംരഭത്തില്‍ പങ്കാളിയാണ്. സന്തോഷ് ശിവന്‍, തമിഴ് നടന്‍ ആര്യ, നിര്‍മ്മാതാവ് ഷാജി നടേശന്‍ എന്നിവര്‍ക്കൊപ്പം തുടങ്ങിയ ആഗസ്ത് സിനിമാസ് ഉപേക്ഷിച്ചാണ് പൃഥ്വി സ്വന്തം നിര്‍മ്മാണ കമ്പനി തുടങ്ങിയത്.
അതേസമയം മോഹന്‍ലാലിനെ നായകനാക്കി പൃഥ്വിരാജ് സംവിധാനം ചെയ്യുന്ന ലൂസിഫറിന്റെ ചിത്രീകരണം ജൂണ്‍മാസത്തോടെ ആരംഭിക്കും. ലുസിഫറിന്റെ ടൈറ്റില്‍ ഫോണ്ട് കഴിഞ്ഞ ദിവസം പുറത്ത് വിട്ടിരുന്നു.