ഇന്ത്യന്‍ യുവതാരം പൃഥ്വി ഷായെ സംബന്ധിച്ച് 2023 മികച്ച വര്‍ഷം തന്നെയായിരുന്നു. ഐ.പി.എല്ലിലെ മോശം പ്രകടനം ഒഴിച്ചുനിര്‍ത്തിയാല്‍ ആഭ്യന്തര തല മത്സരങ്ങളില്‍ മികച്ച പ്രകടനമാണ് താരം പുറത്തെടുത്തത്. രഞ്ജി ട്രോഫിയിലും ദുലീപ് ട്രോഫിയിലുമെല്ലാം തെറ്റില്ലാത്ത പ്രകടനം പുറത്തെടുത്ത ഷാ ഇപ്പോള്‍ കൗണ്ടി ക്രിക്കറ്റിലും അത് ആവര്‍ത്തിക്കുകയാണ്.
ഈ വര്‍ഷമാണ് താരം കരിയറിലെ ആദ്യ ട്രിപ്പിള്‍ സെഞ്ച്വറി സ്വന്തമാക്കിയത്. 383 പന്തില്‍ നിന്നും 379 റണ്‍സാണ് താരം നേടിയത്. മുംബൈക്ക് വേണ്ടി അസമിനെതിരെയാണ് താരം ഈ ഗംഭീര നേട്ടം കൈവരിച്ചത്. രഞ്ജി ട്രോഫി ചരിത്രത്തിലെ ഏറ്റവുമുയര്‍ന്ന രണ്ടാമത് സ്‌കോറാണിത്.
443* റണ്‍സടിച്ച ബാബസാഹേബ് നിംബാല്‍ക്കറാണ് പട്ടികയിലെ ഒന്നാമന്‍. 1948/49 സീസണില്‍ സൗരാഷ്ട്രക്കെതിരെയാണ് മഹാരാഷ്ട്ര താരം റണ്ണടിച്ചുകൂട്ടിയത്.
ഇതിന് പുറമെ കഴിഞ്ഞ ദിവസം കൗണ്ടി ക്രിക്കറ്റില്‍ താരം ഇരട്ട സെഞ്ച്വറിയും പൂര്‍ത്തിയാക്കിയിരുന്നു. ദി കൗണ്ടി ക്രിക്കറ്റ് ഗ്രൗണ്ടില്‍ നടന്ന നോര്‍താംപ്ടണ്‍ഷെയര്‍ – സോമര്‍സെറ്റ് മത്സരത്തിലാണ് നോര്‍താംപ്ടണ്‍ഷെയറിനായി താരം റണ്ണടിച്ചുകൂട്ടിയത്.
153 പന്തില്‍ നിന്നും 11 സിക്‌സറിന്റെയും 28 ബൗണ്ടറിയുടെയും അകമ്പടിയോടെ 244 റണ്‍സാണ് താരം നേടിയത്. ഷായുടെ രണ്ടാം ലിസ്റ്റ് എ ഇരട്ട സെഞ്ച്വറിയാണിത്.
4 – @PrithviShaw‘s 244 run knock v Somerset means he’s just the 4th batter to log multiple List A double tons (R Sharma 3, A Brown & T Head – both 2); it’s the 6th highest List A score ever, the 2nd highest in England & the 1st List A double ton for @NorthantsCCC. Star.#MBODC23pic.twitter.com/M2JxTzc9AE
ഈ നേട്ടത്തിന് പിന്നാലെ മറ്റൊരു നേട്ടവും ഷായെ തേടിയെത്തിയിരുന്നു. ലിസ്റ്റ് എ ഫോര്‍മാറ്റിലെ ആറാമത് മികച്ച സ്‌കോറും ഒരു ഇന്ത്യന്‍ താരത്തിന്റെ നാലാമത് മികച്ച സ്‌കോറുമാണിത്. നാരായണ്‍ ജഗദീശന്‍, രോഹിത് ശര്‍മ, ശിഖര്‍ ധവാന്‍ എന്നിവരാണ് ഷായ്ക്ക് മുമ്പിലുള്ള മറ്റ് ഇന്ത്യന്‍ താരങ്ങള്‍.
ഇതിന് പുറമെ ലിസ്റ്റ് എ ഫോര്‍മാറ്റില്‍ ഏറ്റവുമധികം ഇരട്ട സെഞ്ച്വറി നേടുന്ന താരങ്ങളുടെ പട്ടികയില്‍ രണ്ടാം സ്ഥാനത്തേക്കെത്താനും ഷായ്ക്ക് സാധിച്ചു. മൂന്ന് ഇരട്ട സെഞ്ച്വറിയുമായി രോഹിത് ശര്‍മയാണ് പട്ടികയിലെ ഒന്നാമന്‍.
Career bests deserve cuddles. 🥰
2⃣4⃣4⃣ – Prithvi Shaw’s highest List A score
4️⃣/4️⃣9️⃣ – Rob Keogh’s best List A bowling figures pic.twitter.com/CBYQ30pn94
