എറണാകുളം: വെള്ളിത്തിരയില്‍ എന്ന പോലെ തന്നെ സോഷ്യല്‍ മീഡിയയിലും പൃഥ്വിരാജ് താരമാണ്. ട്രോളന്മാരുടെയും ഇഷ്ടതാരമാണ് പൃഥ്വി. കല്ല്യാണ്‍ സില്‍ക്‌സിന്റെ പ്ൃഥ്വിയുടെ പരസ്യത്തോളം മറ്റൊരു പരസ്യം ആരെങ്കിലും ട്രോള്‍ ചെയ്തിട്ടുണ്ടോ എന്ന് സംശയമാണ്.

ഇപ്പോള്‍ പൃഥ്വിയുടെ ഒരു ഫോണ്‍കോളാണ് സോഷ്യല്‍ മീഡിയയില്‍ വൈറലായിരിക്കുന്നത്. ഓണകോടിക്ക് ഒപ്പം ഒന്നര കോടിയും എന്ന ടാഗ്ലൈനോടെ കല്യാണ്‍ നടത്തിയ മത്സരത്തിന്റെ നറുക്കെടുപ്പിന് ശേഷം വിജയികളെ പ്ൃഥ്വി ഫോണ്‍ വിളിച്ചിരുന്നു. ഈ ഫോണ്‍ കോളാണ് ഇപ്പോള്‍ വൈറലായിരിക്കുന്നത്.

പലരും വിളിക്കുന്നത് പ്രിത്വിയാണ് എന്ന് പറഞ്ഞപ്പോള്‍ വിശ്വസിച്ചിരുന്നില്ല. ഇതില്‍ ഒരാളോട് ഞാന്‍ ഈ ഓണകോടിക്ക് ഒപ്പം ഒന്നര കോടി എന്ന് ചാനലില്‍ വന്ന് പറയുന്നത് വെറുതെ അല്ലെന്ന് മനസിലായില്ലെ എന്നായിരുന്നു പൃഥ്വി ചോദിച്ചത്.

പൃഥ്വി നായകനായി ബ്രദേര്‍ഴ്‌സ് ഡെ എന്ന ചിത്രമാണ് ഓണത്തിന് തിയേറ്ററുകളില്‍ എത്തുന്നത്. കലാഭവന്‍ ഷാജോണ്‍ ആദ്യമായി സംവിധാനം ചെയ്യുന്ന ചിത്രത്തില്‍ വിജയ രാഘവന്‍, മഡോണ, ഐശ്വര്യ ലക്ഷ്മി തുടങ്ങിയവരും പ്രധാന വേഷത്തില്‍ എത്തുന്നുണ്ട്.
DoolNews Video