ആവേശകരമായ ഗ്രൂപ്പ് മത്സരങ്ങള്‍ക്ക് ശേഷം ഫുട്‌ബോള്‍ ലോകകപ്പിന്റെ റഷ്യന്‍ പതിപ്പ് പ്രീക്വാര്‍ട്ടറിലേക്ക് കടന്നിരിക്കുകയാണ്. മുന്‍ലോകചാമ്പ്യന്‍മാരായ ജര്‍മ്മനി ഗ്രൂപ്പ് ഘട്ടത്തില്‍ തന്നെ പുറത്തായപ്പോള്‍ പ്രീക്വാര്‍ട്ടറില്‍ ഇതിനോടകം അര്‍ജന്റീന, പോര്‍ച്ചുഗല്‍, സ്‌പെയിന്‍ എന്നീ വമ്പന്‍മാര്‍ പുറത്തായിക്കഴിഞ്ഞു.
ഫുട്‌ബോള്‍ ആരാധകര്‍ക്കായി ഡൂള്‍ന്യൂസ് സംഘടിപ്പിച്ച പ്രവചനമത്സരത്തില്‍ പ്രീക്വാര്‍ട്ടര്‍ ഘട്ടത്തിലും ആവേശകരമായ പ്രതികരണമാണ് ലഭിച്ചത്. അര്‍ജന്റീന-ഫ്രാന്‍സ് പ്രവചനമത്സരത്തില്‍ ശരിയുത്തരം പറഞ്ഞവരില്‍നിന്ന് നറുക്കെടുത്ത് സമ്മാനത്തിനര്‍ഹനായിരിക്കുന്നത് നവാസ് ആണ്.
പ്രീക്വാര്‍ട്ടറില്‍ രണ്ടാം ദിനം ഏറ്റമുട്ടിയ സ്‌പെയിന്‍-റഷ്യ മത്സരത്തില്‍ പങ്കെടുത്തവരില്‍ ഭൂരിഭാഗം പേരും പ്രവചിച്ചത് ജയം സ്‌പെയിനിനൊപ്പമെന്നായിരുന്നു. എന്നാല്‍ മത്സരത്തില്‍ റഷ്യ വിജയം സ്വന്തമാക്കുകയായിരുന്നു. ശരിയുത്തരം പറഞ്ഞവരില്‍ നിന്ന് നറുക്കെടുത്ത് സമ്മാനത്തിനര്‍ഹനായിരിക്കുന്നത് റസാഖ് പനിക്കെട്ടിയാണ്.
ഇന്നലെ നടന്ന ബ്രസീല്‍-മെക്‌സിക്കോ പോരാട്ടത്തിനും ആവേശകരമായ പ്രതികരണമാണ് ആരാധകര്‍ നടത്തിയത്. ശരിയുത്തരം പറഞ്ഞവരില്‍ നിന്ന് നറുക്കെടുത്ത് സമ്മാനത്തിനര്‍ഹനായിരിക്കുന്നത് ആഷിക് എ ഡാസ്ലെയാണ്.
ഉത്തര കേരളത്തിലെ നമ്പര്‍ വണ്‍ ഇലക്ട്രോണിക്‌സ് & ഹോം അപ്ലയന്‍സ്സസ് ഡീലറായ കണ്ണങ്കണ്ടിയും ഇത്താക്ക ഷര്‍ട്ട്‌സ് & ട്രൗസേര്‍സും ചേര്‍ന്നാണ് ഫുട്ബാള്‍ ആരാധകര്‍ക്കായി പ്രവചന മത്സരം ഒരുക്കുന്നത്.