ഖത്തറില്‍ പോര്‍ചുഗലും അര്‍ജന്റീനയും ഫൈനലിലെത്തും, എന്നിട്ട് ആ ഇതിഹാസ താരം കപ്പുയര്‍ത്തും; അത് എങ്ങനെയുണ്ട്; ഇതാ ഒരു സൂപ്പര്‍ പ്രവചനം
സ്പോര്‍ട്സ് ഡെസ്‌ക്
Monday, 31st October 2022, 7:38 pm
നവംബര്‍ ഇരുപതിനാണ് ഖത്തറില്‍ നടക്കുന്ന ഫിഫ ലോകകപ്പിന് തുടക്കമാവുക. ലോകകപ്പിനുള്ള കിക്കോഫ് തുടങ്ങാനുള്ള നാളുകള്‍ 20ലെത്തുമ്പോള്‍ തന്നെ ഇതുമായി ബന്ധപ്പെട്ട ചര്‍ച്ചകളും പ്രവചനങ്ങളും ഫുട്‌ബോള്‍ ലോകത്ത് സജീവമാണ്.
ഖത്തര്‍ ലോകകപ്പ് ഫൈനലില്‍ അര്‍ജന്റീനയും പോര്‍ച്ചുഗലും ഏറ്റുമുട്ടുമെന്ന പ്രവചനമാണ് ഇപ്പോള്‍ ട്വിറ്റര്‍ അടക്കമുള്ള സമൂഹ മാധ്യമങ്ങളില്‍ ശ്രദ്ധനേടുന്നത്. കാനഡ ആസ്ഥാനമായ ബി.സി.എ റിസേര്‍ച്ച് വികസിപ്പിച്ചെടുത്ത ഒരു സൂപ്പര്‍ കമ്പ്യൂട്ടറാണ് ഇങ്ങനെയൊരു പ്രവചനം നടത്തിയിട്ടുള്ളത്.
ഖത്തറില്‍ കിരീടപ്പോരാട്ടത്തില്‍ മെസിയുടെ അര്‍ജന്റീനയും റൊണോയുടെ പോര്‍ച്ചുഗലും ഏറ്റുമുട്ടും. പോര്‍ച്ചുഗലിനെ തോല്‍പ്പിച്ച് മെസി ലോകകപ്പ് നേടുമെന്നും ഈ സൂപ്പര്‍ കമ്പ്യൂട്ടര്‍ പ്രവചിക്കുന്നു.
