ചരിത്രത്താളുകളില്‍ തന്റെ കഥ കൊത്തിവെച്ച കള്ളന്‍; രവി തേജ ചിത്രത്തിന്റെ പ്രീ ലുക്ക് പോസ്റ്റര്‍
എന്റര്‍ടെയിന്‍മെന്റ് ഡെസ്‌ക്
Sunday, 3rd April 2022, 2:31 pm
രവി തേജയെ നായകനാക്കി വംശി അണിയിച്ചൊരുക്കുന്ന പാന്‍ ഇന്ത്യന്‍ ചിത്രം ടൈഗര്‍ നാഗേശ്വര റാവുവിന്റെ പ്രീ-ലുക്ക് പുറത്ത്. രവി തേജയുടെ ആദ്യ പാന്‍ ഇന്ത്യന്‍ സിനിമ എന്ന പ്രത്യേകതയും ചിത്രത്തിനുണ്ട്.
ചിത്രത്തില്‍ ടൈഗര്‍ നാഗേശ്വര റാവു എന്ന ടൈറ്റില്‍ കഥാപാത്രത്തെയാണ് താരം അവതരിപ്പിക്കുന്നത്.
വംശി തന്നെയാണ് ചിത്രത്തിന്റെ രചനയും സംവിധാനവും നിര്‍വഹിച്ചിരിക്കുന്നത്. ദി കാശ്മീര്‍ ഫയല്‍സ് എന്ന ചിത്രത്തിന്റെ നിര്‍മ്മാതാവ് അഭിഷേക് അഗര്‍വാള്‍, അഭിഷേക് അഗര്‍വാള്‍ ആര്‍ട്സിന്റെ ബാനറിലാണ് ചിത്രമൊരുക്കുന്നത്.
ഉഗാദി ദിനമായ ഏപ്രില്‍ 2നാണ് മോഷന്‍ പോസ്റ്ററിനൊപ്പം ചിത്രത്തിന്റെ പ്രീ ലുക്ക് പോസ്റ്ററും പുറത്തുവിട്ടിരിക്കുന്നത്. പാഞ്ഞടുക്കുന്ന ട്രെയിനിന് മുന്നില്‍ സധൈര്യം ട്രാക്കില്‍ നില്‍ക്കുന്ന രവി തേജയാണ് പോസ്റ്ററില്‍.
