മലയാളം അധ്യാപകന്‍ പറഞ്ഞപ്പോഴാണ് അമ്മ അഭിനയിച്ച സിനിമ കണ്ടത്; പ്രവീണയുടെ മകള്‍ പറയുന്നു
എന്റര്‍ടെയിന്‍മെന്റ് ഡെസ്‌ക്
Tuesday, 15th June 2021, 9:44 am
കൊച്ചി: മലയാളം അധ്യാപകന്‍ പറഞ്ഞപ്പോഴാണ് അമ്മ അഭിനയിച്ച സിനിമ കണ്ടതെന്ന അനുഭവം തുറന്നു പറയുകയാണ് നടി പ്രവീണയുടെ മകള്‍ ഗൗരി. പ്രവീണയുടെ അഗ്‌നിസാക്ഷി എന്ന സിനിമയെക്കുറിച്ചാണ് മകള്‍ ഗൃഹലക്ഷ്മിക്ക് നല്‍കിയ അഭിമുഖത്തില്‍ പറയുന്നത്.
അഗ്‌നിസാക്ഷിയില്‍ കുട്ടിയുടെ അമ്മ അഭിനയിച്ചിട്ടുണ്ട്. നല്ല സിനിമയാണത് എന്ന് മലയാളം അധ്യാപകന്‍ പറഞ്ഞപ്പോള്‍ താന്‍ പോയി സിനിമ കാണുകയായിരുന്നുവെന്ന് ഗൗരി പറയുന്നു.
അമ്മയുടെ കഥാപാത്രങ്ങളില്‍ തനിക്ക് ഏറെ ഇഷ്ടം ബാംഗ്ലൂര്‍ ഡേയ്‌സിലേതാണെന്നും അതിലെ കഥാപാത്രം ഏറെ തമാശ നിറഞ്ഞതാണെന്നും ഗൗരി പറഞ്ഞു.
അമ്മയുടെ പഴയ സിനിമകളെല്ലാം താന്‍ അടുത്തിടെയാണ് കണ്ടിട്ടുള്ളതെന്നും മകള്‍ പറയുന്നു.
പുതിയ സിനിമകളെല്ലാം മുടങ്ങാതെ ഇരുന്ന് കാണുന്ന ആളാണ് തന്റെ മകളെന്ന് പ്രവീണയും അഭിമുഖത്തില്‍ പറയുന്നുണ്ട്.
