ചണ്ഡീഗഢ്: യുവാക്കള്‍ക്ക് പ്രണയിക്കാനുള്ള അവകാശമുണ്ടെന്ന് വിശ്വ ഹിന്ദു പരിഷത്ത് പ്രസിഡണ്ട് പ്രവീണ്‍ തൊഗാഡിയ. വാലന്റൈന്‍സ് ദിനത്തില്‍ യാതൊരു പ്രതിഷേധവും അക്രമങ്ങളും അനുവദിക്കില്ലെന്നും തൊഗാഡിയ കൂട്ടിച്ചേര്‍ത്തു.
” രണ്ടുപേര്‍ പ്രണയിച്ചില്ലെങ്കില്‍ കല്യാണം നടക്കില്ല. കല്യാണം നടന്നില്ലെങ്കില്‍ ലോകത്തിന് പുരോഗതിയുണ്ടാകില്ല. യുവതീ-യുവാക്കള്‍ക്ക് പ്രണയിക്കാനുള്ള അവകാശമുണ്ട്.”
വര്‍ഷങ്ങളായി വാലന്റൈന്‍സ് ദിനാഘോഷങ്ങളെ ശക്തമായി എതിര്‍ക്കുന്ന സംഘടനയാണ് വിശ്വഹിന്ദു പരിഷത്ത്. ഞായറാഴ്ച വിഎച്ച്പി -ബജ്‌റംഗ്ദള്‍ സമ്മേളനത്തില്‍ സംസാരിക്കുമ്പോഴായിരുന്നു തൊഗാഡിയയുടെ പരാമര്‍ശം.
വാലന്റൈന്‍സ് ദിനം എന്നത് ഹിന്ദു വിരുദ്ധവും ഇന്ത്യ വിരുദ്ധവുമാണെന്നായിരുന്നു വി.എച്ച്.പിയുടെ വാദം.വാലന്റൈന്‍സ് ദിനം നിരോധിക്കണമെന്നും വര്‍ഷങ്ങളായി വി.എച്ച്.പി ആവശ്യപ്പെട്ടിരുന്നു.