നടന്‍ മമ്മൂട്ടിയെയും ദുല്‍ഖര്‍ സല്‍മാനെയും പരിഹസിച്ച് പ്രതാപ് പോത്തന്റെ ഫേസ്ബുക്ക് പോസ്റ്റ്. ഹോളിവുഡ് നടന്മാരോടുവരെ മികച്ച നടന്‍ ആരാണെന്ന് ചോദിച്ചാല്‍ മമ്മൂട്ടിയുടെ പേരാണ് പറയുകയെന്നാണ് പ്രതാപ് പോത്തന്‍ ഫേസ്ബുക്കില്‍ കുറിച്ചത്.
മമ്മൂട്ടി ലോകത്തിലെ ഏറ്റവും മികച്ച നടനാണെന്നും അദ്ദേഹത്തിന് ലോകത്തിലെ സകല കാര്യങ്ങളെക്കുറിച്ചും അറിയാമെന്നും ഈ അറിവ് അദ്ദേഹത്തെ അടുത്ത മുഖ്യമന്ത്രിവരെയാക്കുമെന്നും അദ്ദേഹം പറയുന്നു. മികച്ച നടന്‍ മാത്രമല്ല അദ്ദേഹം മാടമ്പിയും സമ്പന്നനുമായതാണെന്നും പ്രതാപ് പോത്തന്‍ പറയുന്നു.
ലോകത്തിലെ രണ്ടാമത്തെ മികച്ച നടനെന്നാണ് ദുല്‍ഖറിനെ വിശേഷിപ്പിച്ചത്.
പ്രതാപ് പോത്തന്റെ ഫേസ്ബുക്ക് പോസ്റ്റ്:
ലോകത്ത് ഞാന്‍ കണ്ടിട്ടുള്ളതില്‍വെച്ച് ഏറ്റവും മികച്ച നടനാണ് മമ്മൂട്ടി.
അക്കാര്യത്തില്‍ ഒരു സംശയവുമില്ല. അദ്ദേഹത്തിന്റെ മകനാണ് രണ്ടാമത്തെ ഏറ്റവും മികച്ച നടന്‍. അങ്ങനെയാണ് ഞാന്‍ കേട്ടതും കണ്ടതും. ആരോട് വേണമെങ്കിലും ചോദിച്ചോളൂ. റോബര്‍ട്ടി ഡി നീറോ, ജാക്ക് നിക്കോള്‍സന്‍ എന്നിങ്ങനെ ആരോട് ചോദിച്ചാലും എല്ലാവരും ഇതേ പറയൂ. കാരണം മികച്ച നടന്‍ എന്നതുകൊണ്ടു മാത്രമല്ല അദ്ദേഹം മാടമ്പിയും സമ്പന്നനുമായതാണെന്നതാണ്. അതിനപ്പുറം ഒരാള്‍ക്ക് എന്താണ് വേണ്ടത്.
ജയ് ഹോ മമ്മൂട്ടി. നിങ്ങള്‍ മഹാനാണ്. എല്ലാവരും നിങ്ങളായിത്തീരാനാണ് ആഗ്രഹിക്കുന്നത്. നിങ്ങള്‍ക്ക് എല്ലാമുണ്ട്. കാറുകള്‍, വീടുകള്‍, ലിക്വിഡ് മണി എല്ലാം. കേരളത്തില്‍ നിങ്ങള്‍ക്കുള്ള അധികാരം നിങ്ങളെ ഏറ്റവും നല്ല വ്യക്തിയാക്കും. എല്ലാറ്റിനെയും കുറിച്ചുള്ള നിങ്ങളുടെ അറിവ് നിങ്ങളെ അടുത്തമുഖ്യമന്ത്രിവരെയാക്കും.