"കൂട്ടിലെ തത്ത ഒരു വര്‍ഷം കൂടി കൂട്ടിലിരിക്കും"; എന്‍ഫോഴ്സ്മെന്റ് ഡയറക്ടര്‍ക്ക് കാലാവധി നീട്ടിനല്‍കിയ കേന്ദ്രത്തിനെ പരിഹസിച്ച് പ്രശാന്ത് ഭൂഷണ്‍
ഡൂള്‍ന്യൂസ് ഡെസ്‌ക്
Saturday, 14th November 2020, 9:44 pm
ന്യൂദല്‍ഹി: എന്‍ഫോഴ്സ്മെന്റ് ഡയറക്ടറേറ്റ് ഡയറക്ടര്‍ സ്ഥാനത്ത് എസ് കെ മിശ്രയ്ക്ക് കാലാവധി നീട്ടി നല്‍കിയതിനെ പരിഹസിച്ച് മുതിര്‍ന്ന അഭിഭാഷകനും ആക്ടിവിസ്റ്റുമായ പ്രശാന്ത് ഭൂഷണ്‍.
‘ഇ.ഡി ഡയറക്ടറുടെ കാലാവധി മുന്‍കാല പ്രാബല്യത്തോടെ നീട്ടി! കൂട്ടിലെ തത്ത മറ്റൊരു വര്‍ഷം കൂടി തന്റെ കൂട്ടില്‍ ചെലവഴിക്കും’, പ്രശാന്ത് ട്വീറ്റ് ചെയ്തു.
Director ED’s term extended with retrospective effect! The caged parrot will spend another year in his gilded cage pic.twitter.com/xR7BJ3A9FV
— Prashant Bhushan (@pbhushan1) November 14, 2020
ഈ മാസം 18 ന് മിശ്ര വിരമിക്കാനിരിക്കെയാണ് കേന്ദ്രസര്‍ക്കാര്‍ കാലാവധി നീട്ടിനല്‍കിയത്. വിരമിക്കുന്ന ഉദ്യോഗസ്ഥന് അഡീഷണല്‍ സെക്രട്ടറി റാങ്ക് നല്‍കുന്നതിന്റെ നിയമോപദേശം കഴിഞ്ഞ ദിവസം സര്‍ക്കാര്‍ തേടിയിരുന്നു.
