കൊച്ചി: പ്രണവ് മോഹന്‍ലാല്‍ നായകനാകുന്ന ആദി അടുത്തവര്‍ഷം ജനുവരി ഇരുപത്തിയാറിന് റിലീസ് ചെയ്‌തേക്കുമെന്ന് റിപ്പോര്‍ട്ട്. മോഹന്‍ലാലിന്റെ സര്‍വ്വകാല ഹിറ്റായ നരസിംഹം പതിനേഴ് വര്‍ഷം മുമ്പ് ഇതേ ദിവസം തന്നെയാണ് റിലീസ് ചെയ്തത്.
ആശിര്‍വാദ് സിനിമാസിന്റെ ബാനറില്‍ ആദിയുടെ നിര്‍മ്മാതാവായ ആന്റണി പെരുമ്പാവൂരിന്റെ ആദ്യ സിനിമയായിരുന്നു നരസിംഹം. ഇരുപത് കോടിയോളം രൂപയാണ് അന്ന് നരസിംഹം കളക്റ്റ് ചെയ്തത്.
Also Read ‘അമ്പലപ്പുഴ ഉണ്ണിക്കനോട് നീ…’; മലയാള ഗാനവുമായി ധോണിയുടെ മകള്‍ ഇന്‍സ്റ്റാഗ്രാമില്‍; വീഡിയോ വൈറല്‍
ജിത്തു ജോസഫ് സംവിധാനം ചെയ്യുന്ന ആദി ഒരു ഇമോഷണല്‍ ത്രില്ലറാണ്. ആദിക്ക് വേണ്ടി അക്രോബാറ്റിക് സ്വഭാവമുള്ള പാര്‍ക്കൗര്‍ എന്ന ശാരീരികാഭ്യാസത്തില്‍ ചിത്രീകരണത്തിന് മുന്‍പേ പ്രണവ് പരിശീലനം നേടിയത് വാര്‍ത്തയായിരുന്നു. മുമ്പ് ജിത്തു ജോസഫിന്റെ തന്നെ ലൈഫ് ഓഫ് ജോസൂട്ടി, പാപനാസം, എന്നീ ചിത്രങ്ങളില്‍ പ്രണവ് മോഹന്‍ലാല്‍ സംവിധാന സഹായിയായിരുന്നു.