‘ രാഷ്ട്രീയ രംഗം എല്ലാവര്‍ക്കും അവകാശപ്പെട്ടതാണ്. പ്രത്യേക കുടുംബത്തില്‍പ്പെട്ടവരുടെയോ സമുദായങ്ങളില്‍പ്പെട്ടവരുടെയോ മാത്രമല്ല. വരും ദിവസങ്ങളില്‍ ബാക്കിയുള്ള സീറ്റിലേക്കുള്ള സ്ഥാനാര്‍ഥികളെയും ഞങ്ങള്‍ പ്രഖ്യാപിക്കും.’ പാര്‍ട്ടി അധ്യക്ഷന്‍ പ്രകാശ് അംബ്ദേക്കര്‍ പറഞ്ഞു.
ഇതിനോടൊപ്പം കോണ്‍ഗ്രസ്-എന്‍.സി.പി സഖ്യത്തെയും പ്രകാശ് അംബ്ദേക്കര്‍ പരിഹസിച്ചു. തെരഞ്ഞെടുപ്പില്‍ എല്ലാ സീറ്റിലും മത്സരിക്കാനുള്ള ആത്മവിശ്വാസം ഇല്ലാത്തതിനാല്‍ സഖ്യത്തിനായി ഇരു പാര്‍ട്ടികളും നിര്‍ബന്ധിതരാവുകയായിരുന്നു എന്നാണ് പ്രകാശ് അംബ്ദേക്കര്‍ പറഞ്ഞത്.
അവരുമായി താരതമ്യം ചെയ്യുമ്പോള്‍ ലോകസഭാ തെരഞ്ഞെടുപ്പില്‍ വോട്ട് വിഹിതത്തില്‍ ഉയര്‍ച്ച ഉണ്ടായിട്ടുണ്ടെന്നും അദ്ദേഹം കൂട്ടിച്ചേര്‍ത്തു.
ഈയടുത്ത് ഉയര്‍ന്നു വന്ന പ്രകാശ് അംബ്ദേക്കറുടെ പാര്‍ട്ടി 2019 ലെ ലോക്‌സഭാ തെരഞ്ഞെടുപ്പില്‍ ബി.ജെപി-ശിവസേന സഖ്യം, കോണ്‍ഗ്രസ് സഖ്യം എന്നിവരുടെയിടയിലേക്ക് മൂന്നാം ശക്തിയായി വന്നാണ് സാന്നിധ്യം അറിയിച്ചത്.
