വാഷിങ്ടണ്‍: പ്രധാനമന്ത്രി നരേന്ദ്ര മോദിയുടെ അമേരിക്കന്‍ സന്ദര്‍ശനത്തിനത്തിന് മുന്നോടിയായി വൈറ്റ് ഹൗസിന് മുന്നില്‍ പോസ്റ്റര്‍ പ്രതിഷേധം. മോദി നോട്ട് ടു വെല്‍ക്കം എന്ന മുദ്രാവാക്യമുയര്‍ത്തി മാധ്യമപ്രവര്‍ത്തകനും മനുഷ്യാവകാശ പ്രവര്‍ത്തകനുമായ പീറ്റര്‍ ഫ്രീഡ്രിക്കാണ് വൈറ്റ് ഹൗസിന് മുന്നില്‍ പോസ്റ്റര്‍ ഉയര്‍ത്തി പ്രതിഷേധിച്ചത്.
‘മോദി ദി റൈസണ്‍ ഹിറ്റ്ലര് ഇന്‍ ദി ഈസ്റ്റ് (മോദി കിഴക്ക് ഉയിര്‍ത്തെഴുന്നേറ്റ ഹിറ്റ്ലര്)’, ‘ബൈഡന്‍ സ്‌റ്റോപ്പ് ഇനബിളിങ് മോദീസ് ഫാസിസം(ബൈഡന്‍ മോദിയുടെ ഫാസിസത്തെ പിന്തുണക്കുന്നത് നിര്‍ത്തുക) എന്നിങ്ങനെ എഴുതിയ രണ്ട് പോസ്റ്ററുകളാണ് പീറ്റര്‍ ഫ്രീഡ്രിക്ക് ഉയര്‍ത്തിക്കാണിക്കുന്നത്. രണ്ട് പോസ്റ്ററിലും #ModiNotWelcome എന്ന ഹാഷ് ടാഗും എഴുതിയിട്ടുണ്ട്. ഈ ചിത്രം പീറ്റര്‍ ഫ്രീഡ്രിക്ക് തന്റെ ഔദ്യോഗിക ട്വിറ്റര്‍ അക്കൗണ്ടിലൂടെ പങ്കുവെക്കുകയും ചെയ്തിട്ടുണ്ട്.
I’m here to say #Modi is the risen Hitler in the East. Biden, stop enabling Modi’s fascism. #ModiNotWelcome pic.twitter.com/b3pupUbvnM
— Pieter Friedrich (@FriedrichPieter) June 20, 2023
അധ്യാപകനും എഴുത്തുകാരനുമായ അശോക് സ്വയ്‌നും ചിത്രം തന്റെ ട്വിറ്ററിലൂടെ ഷെയര്‍ ചെയ്തിട്ടുണ്ട്. ‘മോദി വൈറ്റ് ഹൗസിലെത്തും മുമ്പ് !’ എന്നാണ് അശോക് സ്വയ്ന്‍ ചിത്രത്തിന് നല്‍കിയ ക്യാപ്ഷന്‍.
