സൈജു കുറുപ്പിനെ നായകനാക്കി നൗഷാദ് സാഫ്‌റോണ്‍ സംവിധാനം ചെയ്യുന്ന ‘പൊറാട്ട് നാടകം’ ടീസര്‍ പുറത്തിറങ്ങി. ഗാന്ധി ജയന്തി ദിനം കൂടിയായ ഇന്ന് ‘ഗാന്ധിജി പറഞ്ഞ ‘സ്വഭാവഗുണമില്ലെങ്കില്‍ സഹകരണമില്ല’ എന്ന വാചകത്തോട് കൂടിയാണ് ടീസര്‍ പുറത്തിറങ്ങിയത്.
അന്തരിച്ച പ്രശസ്ത സംവിധായകന്‍ സിദ്ദിഖിന്റെ സഹ സംവിധായകനായി പ്രവര്‍ത്തിച്ചു പോന്നിരുന്ന നൗഷാദ് സാഫ്രോണിന്റെ ആദ്യ ചിത്രം കൂടിയാണിത്. സുനീഷ് വാരനാട് ആണ് രചന നിര്‍വഹിക്കുന്നത് മോഹന്‍ലാല്‍, ഈശോ എന്നീ ചിത്രങ്ങള്‍ക്കു ശേഷം സുനീഷ് വാരനാട് തിരക്കഥ രചിക്കുന്ന ചിത്രം കൂടിയാണിത്. എമിറേറ്റ്സ് പ്രൊഡക്ഷന്‍സിന്റേയും മീഡിയ യൂണിവേഴ്‌സിന്റെയും ബാനറില്‍ വിജയന്‍ പള്ളിക്കര ആണ് ‘പൊറാട്ട് നാടകം’ നിര്‍മിക്കുന്നത്.
കേരളാ കര്‍ണാടക അതിര്‍ത്തിയിലെ ഗോപാലപുരം എന്ന ഗ്രാമത്തിലെ ലൈറ്റ് ആന്റ് സൗണ്ട് ഉടമയായ അബു എന്ന കഥാപാത്രത്തെയാണ് സൈജു കുറുപ്പ് ഈ ചിത്രത്തില്‍ അവതരിപ്പിക്കുന്നത്. ആ ഗ്രാമത്തില്‍ നടക്കുന്ന ചില സംഭവങ്ങള്‍ തികഞ്ഞ ആക്ഷേപഹാസ്യത്തിലൂടെ പ്രേക്ഷകര്‍ക്ക് മുന്നില്‍ എത്തിക്കുന്ന ചിത്രം ആണ് പൊറാട്ട് നാടകം.
സൈജു കുറുപ്പിന് ഒപ്പം രാഹുല്‍ മാധവ്, ധര്‍മ്മജന്‍ ബോള്‍ഗാട്ടി , സുനില്‍ സുഖദ, നിര്‍മല്‍ പാലാഴി, ബാബു അന്നൂര്‍, ഷുക്കൂര്‍, അനില്‍ ബേബി, ചിത്ര ഷേണായ്, ഐശ്വര്യ മിഥന്‍ കോറോത്ത്, ജിജിന, ചിത്ര നായര്‍, ഗീതി സംഗീത എന്നിവരും പ്രധാന വേഷങ്ങളില്‍ എത്തുന്നു. നൗഷാദ് ഷെരീഫ് ഛായാഗ്രഹണം നിര്‍വഹിക്കുന്ന ചിത്രത്തിന്റെ എഡിറ്റിങ് നിര്‍വഹിക്കുന്നത്. രാജേഷ് രാജേന്ദ്രന്‍ ആണ്. ബി. ഹരിനാരായണന്‍, ഫൗസിയ അബൂബക്കര്‍ എന്നിവരുടെ ഗാനങ്ങള്‍ക്ക് സംഗീതം നിര്‍വഹിക്കുന്നത് രാഹുല്‍ രാജ് ആണ്.
കോ-പ്രൊഡ്യൂസര്‍: ഗായത്രി വിജയന്‍, എക്‌സി. പ്രൊഡ്യൂസര്‍: നാസര്‍ വേങ്ങര, നിര്‍മാണ നിര്‍വഹണം: ഷിഹാബ് വെണ്ണല, കലാസംവിധാനം: സുജിത്ത് രാഘവ്, മേക്കപ്പ്: ലിബിന്‍ മോഹനന്‍, വസ്ത്രാലങ്കാരം: സൂര്യ രാജേശ്വരി, സംഘട്ടനം: മാഫിയ ശശി, ശബ്ദ സന്നിവേശം: രാജേഷ് പി.എം, കളറിസ്റ്റ്: അര്‍ജ്ജുന്‍ മേനോന്‍, വി.എഫ്.എക്സ്: രന്തീഷ് രാമകൃഷ്ണന്‍ (ഗ്രാന്‍സ് വി.എഫ്.എക്സ് സ്റ്റുഡിയോ), നൃത്തസംവിധാനം: സജ്‌ന നജാം, സഹീര്‍ അബ്ബാസ്, ചീഫ് അസോസിയേറ്റ് ഡയറക്ടര്‍: അനില്‍ മാത്യു ലൊക്കഷന്‍ മാനേജര്‍: പ്രസൂല്‍ ചിലമ്പൊലി, പ്രൊഡക്ഷന്‍ എക്‌സിക്യൂട്ടീവ്: ആന്റണി കുട്ടമ്പുഴ, പോസ്റ്റ് പ്രൊഡക്ഷന്‍ ചീഫ്: ആരിഷ് അസ്ലം, പി.ആര്‍.ഒ: മഞ്ജു ഗോപിനാഥ്, ഡിജിറ്റല്‍ പ്ലാന്‍: ഒബ്‌സ്‌ക്യൂറ എന്റര്‍ടെയ്ന്‍മെന്റ് സ്റ്റില്‍സ്: രാംദോസ് മാത്തൂര്‍, പരസ്യകല: മാ മിജോ, വിതരണം: പ്രദീപ് മേനോന്‍, വള്ളുവനാട് സിനിമ കമ്പനി.
Content Highlight: Porattu Nadakam teaser