കോഴിക്കോട്: ആക്ഷന്‍ ഹീറോ ബിജുവിന് ശേഷം എബ്രിഡ് ഷൈന്‍ സംവിധാനം ചെയ്ത് കാളിദാസ് ജയറാം നായകനായെത്തുന്ന പൂമരം സിനിമയ്ക്ക് വീണ്ടും ട്രോള്‍ മഴ. നിരവധി തവണ മാറ്റിവെച്ച സിനിമ മാര്‍ച്ച് 9ന് റിലീസിനെത്തുമെന്ന് കാളിദാസ് കഴിഞ്ഞ മാസം ഫേസ്ബുക്കിലൂടെ അറിയിച്ചിരുന്നു. അതിന് പിന്നാലെയാണ് റിലീസിങ് തീയതി വീണ്ടും മാറ്റി എന്ന അറിയിപ്പുമായി കാളിദാസ് എത്തിയത്.
“ചില ടെക്നിക്കല്‍ പ്രോബ്ലെംസ് കാരണം മാര്‍ച്ച് 9ന്് പൂമരം റിലീസ് എന്നുള്ളത് ചെറുതായിട്ട് ഒന്നു നീട്ടി എന്നുള്ളത് ഒരു നഗ്‌ന സത്യം, വളരെ കുറച്ചു ദിവസങ്ങളുടെ വിത്യാസം മാത്രമേ ഉണ്ടാവു” ഇങ്ങനെ ആയിരുന്നു കാളിദാസ് ഫേസ്ബുക്കില്‍ കുറിച്ച്ത്. പിന്നാലെ പതിവ് പോലെ ട്രോളന്‍മാരെത്തി പണി തുടങ്ങി.
“ആക്ഷന്‍ ഹീറോ ബിജു ” വിന് ശേഷം എബ്രിഡ് ഷൈന്‍ സംവിധാനം ചെയുന്ന ചിത്രമാണ് “പൂമരം . കാളിദാസ് ജയറാം ഇതിനു മുന്‍പ് തന്നെ ബാലതാരമായി അഭിനയിച്ചിട്ടുണ്ടെങ്കിലും മലയാള സിനിമയില്‍ നായകനായി അരങ്ങേറ്റം കുറിക്കുന്ന ചിത്രമാണ് “പൂമരം ” ഇതിന് മുന്‍പ് കാളിദാസ് “മീന്‍ കുഴമ്പും മണ്‍പാനയും എന്ന തമിഴ് ചിത്രത്തില്‍ അഭിനയിച്ചിരുന്നു.
മലയാള സിനിമയില്‍ ഏറ്റവുമധികം ട്രോളുകള്‍ വാരിക്കൂട്ടുന്ന ചിത്രം എന്ന ഖ്യാതി മിക്കവാറും എബ്രിഡ് ഷൈന്റെ പൂമരം കൊണ്ടുപോകുമെന്നുറപ്പായി. തനിക്ക് മാത്രം എവിടെന്നാണ് ഇതിന് മാത്രം ടെക്നിക്കല്‍ പ്രോബ്ലെം എന്നാണ് ആരാധകര്‍ ഇപ്പോള്‍ കാളിദാസിനോട് ചോദിക്കുന്നത്.
കാളിദാസന്റെ പൂമരം റിലീസും കേരളത്തില്‍ ബി.ജെ.പി ഭരണത്തിലെത്തുന്നതും ഒരുമിച്ചായിരിക്കും എന്നാണ് ത്രിപുര തെരഞ്ഞെടുപ്പ് ഫലത്തിന്റെ ദിവസം തന്നെ തീയതി നീട്ടിയ വാര്‍ത്തയറിഞ്ഞ ട്രോളര്‍മാര്‍ പറയുന്നത്.
ട്രോളുകള്‍ കാണാം
