ചോളന്മാര്‍ തിരിച്ചുവരുന്നു; പൊന്നിയിന്‍ സെല്‍വന്‍ 2; റിലീസ് ഡേറ്റ് പ്രഖ്യാപിച്ച് ലൈക്ക പ്രൊഡക്ഷന്‍സ്
എന്റര്‍ടെയിന്‍മെന്റ് ഡെസ്‌ക്
Wednesday, 28th December 2022, 4:19 pm
പൊന്നിയില്‍ സെല്‍വന്‍ രണ്ടാം ഭാഗത്തിന്റെ റിലീസ് ഡേറ്റ് പ്രഖ്യാപിച്ചു. 2023 ഏപ്രില്‍ 28ന് ചിത്രം റിലീസ് ചെയ്യും. ചിത്രത്തിന്റെ നിര്‍മാണ കമ്പനിയായ ലൈക്ക പ്രൊഡക്ഷന്‍സാണ് ഇക്കാര്യം ട്വിറ്ററിലൂടെ അറിയിച്ചത്.
പൊന്നിയിന്‍ സെല്‍വന്‍ രണ്ടാം ഭാഗം സംബന്ധിച്ച നിര്‍ണായക പ്രഖ്യാപനം ഇന്നുണ്ടാകുമെന്ന് ബുധനാഴ്ച രാവിലെ ലൈക്ക പ്രൊഡക്ഷന്‍സ് അറിയിച്ചിരുന്നു. ‘കവാടങ്ങള്‍ തുറക്കൂ, ഞങ്ങള്‍ പൊന്നിയിന്‍ സെല്‍വന്‍ ടുവിലേക്ക് മാര്‍ച്ച് ചെയ്യുകയാണ്. ഇന്ന് നാല് മണിക്ക് ആവേശകരമായ പ്രഖ്യാപനം,’ എന്നാണ് ലൈക്ക പ്രൊഡക്ഷന്‍സ് ട്വീറ്റ് ചെയ്തത്. ചിത്രം 2023 ഏപ്രിലില്‍ തിയറ്ററുകളില്‍ എത്തുകയെന്ന് ചിത്രത്തിന്റെ വിതരണക്കാരായ റെഡ് ജയന്റ് മൂവീസ് ഉടമ ഉദയനിധി സ്റ്റാലിന്‍ നേരത്തെ പറഞ്ഞിരുന്നു.
