ദീപാവലിക്ക് പടക്കങ്ങള്‍ വേണ്ടെന്ന് മലിനീകരണ നിയന്ത്രണ ബോര്‍ഡ്; അംഗീകരിക്കാതെ അസം സര്‍ക്കാര്‍
ഡൂള്‍ന്യൂസ് ഡെസ്‌ക്
Tuesday, 26th October 2021, 10:30 am
ദിസ്പൂര്‍: ദീപാവലി ആഘോഷങ്ങള്‍ക്ക് മുന്നോടിയായി അസമില്‍ പടക്കങ്ങള്‍ക്ക് പൂര്‍ണ നിരോധനം ഏര്‍പ്പെടുത്തി മലിനീകരണ നിയന്ത്രണ ബോര്‍ഡ്.
എന്നാല്‍, സര്‍ക്കാരുമായി ഒരു കൂടിയാലോചനയും കൂടാതെയാണ് തീരുമാനമെടുത്തതെന്നും ജനങ്ങളുടെ വികാരം കണക്കിലെടുത്ത് ഇത് പുനഃപരിശോധിക്കുമെന്നും മുഖ്യമന്ത്രി ഹിമന്ത ബിശ്വ ശര്‍മ്മ പറഞ്ഞു.
‘അസം മലിനീകരണ നിയന്ത്രണ ബോര്‍ഡ്, സര്‍ക്കാരുമായി ഒരു കൂടിയാലോചനയും കൂടാതെ, പടക്ക വില്‍പ്പന നിരോധിക്കുന്ന ഉത്തരവ് പുറപ്പെടുവിച്ചതായി റിപ്പോര്‍ട്ടുണ്ട്. ഞങ്ങള്‍ ഇത് ശ്രദ്ധിച്ചു. ജനങ്ങളുടെ വികാരം മനസ്സില്‍ വെച്ചുകൊണ്ട് മുഴുവന്‍ പ്രശ്‌നവും സമഗ്രമായി അവലോകനം ചെയ്യുകയാണ്, ”ശര്‍മ്മ തിങ്കളാഴ്ച വൈകുന്നേരം ട്വീറ്റ് ചെയ്തു.
