ഡ്രൈവര്‍മാരുടെയും കണ്ടക്ടര്‍മാരുടെയും ലൈസന്‍സ് റദ്ദാക്കാനും സാധ്യതയുണ്ട്. തിരുവനന്തപുരം ആര്‍.ടി.ഒയ്ക്ക് പുറമേ കലക്ടറുടെ പ്രാഥമിക റിപ്പോര്‍ട്ടിലും സമരക്കാര്‍ക്കെതിരെ കടുത്ത നടപടിയ്ക്ക് ശിപാര്‍ശ ചെയ്തിട്ടുണ്ട്.
സംഘം ചേരലിനാണ് തമ്പാനൂര്‍ പൊലീസ് കേസെടുത്തിരിക്കുന്നത്. അതേസമയം നടുറോഡില്‍ ബസ് നിര്‍ത്തിയിട്ട് ഗതാഗതം തടസ്സപ്പെടുത്തിയ ഡ്രൈവര്‍മാരുടെ വിവരങ്ങള്‍ പൊലീസ് ശേഖരിക്കുന്നുണ്ട്.
പൊലീസുകാരെ കയ്യേറ്റം ചെയ്‌തെന്നാരോപിച്ച് ബുധനാഴ്ച കെ.എസ്.ആര്‍.ടി.സി ഡി.ടി.ഒ സാം ലോപ്പസ്, ഡ്രൈവര്‍ സുരേഷ് കുമാര്‍, ഇന്‍സ്‌പെക്ടര്‍ രാജേന്ദ്രന്‍ എന്നിവരെ അറസ്റ്റു ചെയ്ത് വിട്ടയച്ചിരുന്നു.
പൊലീസിന്റെ ഭാഗത്ത് നിന്ന് വീഴ്ചയുണ്ടായിട്ടില്ലെന്നാണ് സിറ്റി പൊലീസ് കമ്മീഷണര്‍ റിപ്പോര്‍ട്ട് സമര്‍പ്പിച്ചിരിക്കുന്നത്. കെ.എസ്.ആര്‍.ടി.സി ജീവനക്കാരെ പിന്തുണച്ച് സി.പി.ഐ സംസ്ഥാന സെക്രട്ടറി കാനം രാജേന്ദ്രന്‍ രംഗത്തെത്തിയെങ്കിലും കര്‍ശന നടപടിയെടുക്കണമെന്ന് മുഖ്യമന്ത്രി നിര്‍ദേശിച്ചു.
