സ്ത്രീത്വത്തെ അപമാനിച്ചെന്ന പരാതി; മാധ്യമപ്രവര്‍ത്തകയ്ക്ക് സന്ദേശമയച്ച സംഭവത്തില്‍ എന്‍.പ്രശാന്ത് ഐ.എ.എസിനെതിരെ കേസെടുത്തു
ഡൂള്‍ന്യൂസ് ഡെസ്‌ക്
Tuesday, 7th September 2021, 11:00 am
തിരുവനന്തപുരം: മാധ്യമപ്രവര്‍ത്തകയ്ക്ക് മോശം സന്ദേശം അയച്ചെന്ന പരാതിയില്‍ കേരള ഇന്‍ലാന്റ് നാവിഗേഷന്‍ കോര്‍പ്പറേഷന്റെ എം.ഡി എന്‍.പ്രശാന്ത് ഐ.എ.എസിനെതിരെ കേസെടുത്തു.
പാലാരിവട്ടം പൊലീസാണ് സംഭവത്തില്‍ പ്രാഥമിക അന്വേഷണം നടത്തി എഫ്.ഐ.ആര്‍ രജിസ്റ്റര്‍ ചെയ്തിരിക്കുന്നത്. ജാമ്യമില്ലാ വകുപ്പ് പ്രകാരമാണ് കേസ്. സ്തീത്വത്തെ അപമാനിച്ചെന്ന് പ്രാഥമികമായി തെളിഞ്ഞെന്ന് പൊലീസ് എഫ്.ഐ.ആറില്‍ പറയുന്നു.
കേരള പത്രപ്രവര്‍ത്തക യൂണിയന്റെ പരാതിയെ തുടര്‍ന്നാണ് നടപടി. ആഴക്കടല്‍ മത്സ്യബന്ധന പദ്ധതിയുമായി ബന്ധപ്പെട്ട വിഷയത്തില്‍ പ്രതികരണത്തിന് ശ്രമിച്ച മാതൃഭൂമി ലേഖിക കെ.പി പ്രവിതയ്ക്ക് അശ്ലീലച്ചുവയുള്ള ഇമോജികളയച്ചെന്നായിരുന്നു പരാതിയില്‍ പറഞ്ഞത്.
