പള്ളി സെറ്റ് തകര്‍ത്തവര്‍ ക്ഷേത്രത്തിന്റെ ശ്രീകോവിലിന്റെ ഭിത്തിയും നശിപ്പിച്ചു, 25000 രൂപയുടെ നഷ്ടം; റിമാന്‍ഡ് റിപ്പോര്‍ട്ട്
ഡൂള്‍ന്യൂസ് ഡെസ്‌ക്
Wednesday, 27th May 2020, 8:23 pm
കാലടി: മിന്നല്‍ മുരളി ചിത്രത്തിന് വേണ്ടി കാലടിയില്‍ നിര്‍മ്മിച്ച പള്ളി സെറ്റ് പൊളിച്ച പ്രതികള്‍ സമീപത്തെ ക്ഷേത്രത്തിന്റെ ശ്രീകോവിലും വൃത്തികേടാക്കിയതായി റിമാന്‍ഡ് റിപ്പോര്‍ട്ട്. 25000 രൂപയുടെ നഷ്ടം ഇത് വഴി ഉണ്ടായെന്നും റിപ്പോര്‍ട്ടില്‍ പറയുന്നു.
പ്രതികള്‍ സിനിമാ സെറ്റ് പൊളിക്കുകയും ഉള്ളില്‍ കയറി മോഷണം നടത്തുകയും ചെയ്തത് വഴി സിനിമാ നിര്‍മ്മാതാക്കള്‍ക്ക് 80 ലക്ഷം രൂപയുടെ നഷ്ടമാണ് ഉണ്ടായതെന്ന് റിപ്പോര്‍ട്ടില്‍ ഉണ്ട്. സംഭവത്തില്‍ അഞ്ച് പേരാണ് അറസ്റ്റിലായത്.
