തന്നെ ആന്ധ്രയില്‍ നിന്ന് തട്ടിക്കൊണ്ടുവന്നതാണെന്നും നിരാഹാരം കിടന്നപ്പോഴാണ് കോടതിയില്‍ ഹാജരാക്കാന്‍ തയ്യാറായതെന്നും മാവോവാദി നേതാവ് രൂപേഷ് നേരത്തെ പറഞ്ഞിരുന്നു. കോടതിയില്‍ ഹാജരാക്കാന്‍ കൊണ്ടുവരുന്നതിനിടെ പോലീസ് വാഹനത്തില്‍ നിന്നാണ് രൂപേഷ് ഇക്കാര്യം മാധ്യമ പ്രവര്‍ത്തകരോട് വിളിച്ച് പറഞ്ഞിരുന്നത്.
അതേസമയം രൂപേഷടക്കമുള്ളവരെ ജൂണ്‍ മൂന്ന് വരെ കോയമ്പത്തൂര്‍ സി.ജെ.എം കോടതി ജുഡീഷ്യല്‍ കസ്റ്റഡിയില്‍വിട്ടു. പ്രതികളെ കോയമ്പത്തൂര്‍ സെന്‍ട്രല്‍ ജയിലിലാണ് റിമാന്‍ഡ് ചെയ്തിരിക്കുന്നത്. രാത്രി ഉറങ്ങാന്‍ പോലും സമ്മതിക്കാതെ കസ്റ്റഡിയില്‍ പീഡിപ്പിച്ചതായും കേന്ദ്ര സര്‍ക്കാറിന്റെ പശ്ചിമഘട്ട വികസന പ്രവര്‍ത്തനങ്ങള്‍ക്കെതിരായ സമരങ്ങളെ അടിച്ചമര്‍ത്താനാണ് പൊലീസ് ശ്രമിക്കുന്നതെന്നും രൂപേഷ് കോടതിയില്‍ പറഞ്ഞിരുന്നു.