നെഹ്‌റു കുടുംബത്തിനെ അപമാനിക്കുന്ന വീഡിയോ പോസ്റ്റ് ചെയ്തു; നടി പായല്‍ റോത്തഗിക്കെതിരെ കേസ് എടുത്തു
ഡൂള്‍ന്യൂസ് ഡെസ്‌ക്
Saturday, 12th October 2019, 12:45 pm
മുംബൈ: നെഹ്‌റു കുടുംബത്തിനെ അപമാനിച്ചെന്ന പരാതിയില്‍ നടി പായല്‍ റോത്തഗിക്കെതിരെ കേസ് രജിസ്റ്റര്‍ ചെയ്തു. യൂത്ത് കോണ്‍ഗ്രസ് നേതാവ് ചാര്‍മേഷ് ശര്‍മയുടെ പരാതിയിലാണ് നടിക്കെതിരെ കേസ് രജിസ്റ്റര്‍ ചെയ്തത്.
രാജസ്ഥാന്‍ പൊലീസാണ് കേസ് രജിസ്റ്റര്‍ ചെയ്തിരിക്കുന്നത്. മോത്തിലാല്‍ നെഹ്‌റുവിന്റെയും ജവഹര്‍ലാല്‍ നെഹ്‌റുവിന്റെയും ഭാര്യമാരെ ഫേസ്ബുക്ക് വീഡിയോയിലൂടെ അപകീര്‍ത്തിപ്പെടുത്തുന്ന തരത്തില്‍ സംസാരിച്ചെന്ന് ചൂണ്ടികാട്ടിയാണ് പരാതി.
