'മര്യാദയൊന്നും ഉണ്ടാകില്ല'; നെച്ചൂര്‍ പള്ളി തര്‍ക്കം റിപ്പോര്‍ട്ട് ചെയ്യാനെത്തിയ മാധ്യമപ്രവര്‍ത്തകനെ പൊലീസ് മര്‍ദ്ദിച്ചു
ഡൂള്‍ന്യൂസ് ഡെസ്‌ക്
Sunday, 23rd July 2017, 4:31 pm
കൊച്ചി: പിറവത്തിനടുത്തുള്ള നെച്ചൂര്‍ പള്ളി തര്‍ക്കം റിപ്പോര്‍ട്ട് ചെയ്യാനെത്തിയ മാധ്യമപ്രവര്‍ത്തകനെ പൊലീസ് മര്‍ദ്ദിച്ചു. മാതൃഭൂമി ന്യൂസ് റിപ്പോര്‍ട്ടറായ റിബിന്‍ രാജുവിനെയാണ് പൊലീസ് മര്‍ദ്ദിച്ചത്. പൊലീസ് ഭീഷണിപ്പെടുത്തിയതായും ആക്ഷേപമുണ്ട്.
തര്‍ക്കം രൂക്ഷമായപ്പോള്‍ എല്ലാവരോടും ഒഴിഞ്ഞുപോകാനായി പൊലീസ് ആവശ്യപ്പെട്ടു. തങ്ങള്‍ മാധ്യമപ്രവര്‍ത്തകരാണെന്നും മര്യാദ ഇല്ലേയെന്നും ചോദിച്ചപ്പോള്‍ മര്യാദയൊന്നും ഉണ്ടാകില്ലെന്നാണ് സി.ഐ. ജയകുമാര്‍ ഭീഷണി മുഴക്കിയത്.
സി.ഐയ്‌ക്കൊപ്പം എസ്.ഐ ലൈജുമോനും ചേര്‍ന്നാണ് മാധ്യമപ്രവര്‍ത്തകരെ കയ്യേറ്റം ചെയ്തത്. നെച്ചൂര്‍ പള്ളിയില്‍ ഓര്‍ത്തഡോക്‌സ്-യാക്കോബായ വിഭാഗങ്ങള്‍ തമ്മിലുള്ള തര്‍ക്കം റിപ്പോര്‍ട്ട് ചെയ്യാനെത്തിയ മാധ്യമപ്രവര്‍ത്തകനാണ് മര്‍ദ്ദനമേറ്റത്. മാതൃഭൂമി ന്യൂസാണ് ഇക്കാര്യങ്ങള്‍ റിപ്പോര്‍ട്ട് ചെയ്തത്.