സുര്‍ജിത്ത് ഭവനിനെ വിടാതെ ദല്‍ഹി പൊലീസ്; പാര്‍ട്ടി ക്ലാസിനും വിലക്ക്
ഡൂള്‍ന്യൂസ് ഡെസ്‌ക്
Tuesday, 22nd August 2023, 11:55 am
ന്യൂദല്‍ഹി: സി.പി.ഐ.എം കേന്ദ്ര കമ്മിറ്റി പഠനകേന്ദ്രമായ ദല്‍ഹിയിലെ സുര്‍ജിത്ത് ഭവനിനെതിരെ വീണ്ടും പൊലീസ് നടപടി. സി.പി.ഐ.എം ജനറല്‍ സെക്രട്ടറി സീതാറാം യെച്ചൂരി പങ്കെടുക്കേണ്ടയിരുന്ന പാര്‍ട്ടി ക്ലാസ് നടത്തുന്നതിന് ദല്‍ഹി പൊലീസ് വിലക്കേര്‍പ്പെടുത്തി. ചൊവ്വാഴ്ച രാവിലെ 10നാണ് പരിപാടി നിശ്ചയിച്ചിരുന്നത്. നേരത്തെ അനുമതി വാങ്ങിക്കാതെ പരിപാടി നടത്താനൊരുങ്ങിയെന്നതാണ് പൊലീസ് വാദം.
കഴിഞ്ഞ ദിവസം ജി20ക്ക് ബദലായ സുര്‍ജിത്ത് ഭവനിനില്‍ സി.പി.ഐ.എം സംഘടപ്പിക്കാനൊരുങ്ങിയ വി20 പരിപാടിക്കും വിലക്കേര്‍പ്പെടുത്തിരുന്നു. സ്വകാര്യ സ്ഥലത്ത് യോഗം നടത്താന്‍ പൊലീസ് അനുമതി വേണമെന്ന നിലപാടിനെ ശക്തമായി അപലപിക്കുന്നുവെന്ന് സീതാറാം യെച്ചൂരി പ്രതികരിച്ചു. ദല്‍ഹിയിലെ സുര്‍ജിത്ത് ഭവന്‍ സി.പി.ഐ.എമ്മിന്റെ കേന്ദ്ര കമ്മിറ്റി യോഗം അടക്കം നടക്കുന്ന സ്ഥലമാണ്.
