‘സ്‌പോണ്‍സര്‍മാരെയെല്ലാം ഇങ്ങനെ പുച്ഛിച്ചാല്‍ എന്ത് ചെയ്യും’; വാര്‍ത്താസമ്മേളനത്തിനിടെ ബിയര്‍ കുപ്പി എടുത്തുമാറ്റി പോഗ്ബ, ഇത്തവണത്തെ കാരണം വിശ്വാസം
മ്യൂണിക്: സ്‌പോണ്‍സര്‍മാരെയെല്ലാം ഇങ്ങനെ പുച്ഛിച്ചാല്‍ എങ്ങനെ ടൂര്‍ണമെന്റ് മുന്നോട്ട് കൊണ്ടുപോകും എന്ന് വിചാരിക്കുന്നുണ്ടാകും യൂറോ കപ്പ് നടത്തിപ്പുകാരായ യുവേഫ. നേരത്തെ ശീതള പാനീയങ്ങളോടുള്ള തന്റെ വിയോജിപ്പ് പരസ്യമാക്കിയ ക്രിസ്റ്റ്യാനോ റൊണോള്‍ഡോയുടെ മാര്‍ഗം പിന്തുടര്‍ന്നിരിക്കുകയാണ് ഫ്രാന്‍സിന്റെ സൂപ്പര്‍ താരം പോള്‍ പോഗ്ബയും.
ജര്‍മനിക്കെതിരായ മത്സരത്തിന് ശേഷം നടന്ന വാര്‍ത്താസമ്മേളനത്തിനിടെയാണ് പോഗ്ബ യൂറോ കപ്പിന്റെ പ്രധാന സ്‌പോണ്‍സര്‍മാരില്‍ ഒരാളായ ഹെയ്‌നെകെന്‍ കമ്പനിയുടെ ബിയര്‍ കുപ്പി എടുത്തുമാറ്റിയത്.
ഇസ്‌ലാം മതവിശ്വാസിയായ പോഗ്ബ മദ്യ ബ്രാന്റുകളെ പ്രോത്സാഹിപ്പിക്കുന്ന പരസ്യത്തില്‍നിന്ന് നേരത്തെ വിട്ടുനിന്നിരുന്നു. ഇതിന്റെ ഭാഗമായാണ് ബിയര്‍ കുപ്പി എടുത്തുമാറ്റിയത്.
2019-ലാണ് പോഗ്ബ ഇസ്‌ലാം മതം സ്വീകരിച്ചത്. ബര്‍ത്‌ഡേ പാര്‍ട്ടികളില്‍ താന്‍ മദ്യപിക്കാറില്ലെന്നും പോഗ്ബ നേരത്തെ ട്വീറ്റിലൂടെ വ്യക്തമാക്കിയിരുന്നു.
ഹംഗറിക്കെതിരായ മത്സരത്തിന് മുമ്പ് നടന്ന വാര്‍ത്താസമ്മേളനത്തില്‍ കൊക്കോകോളയുടെ കുപ്പികള്‍ എടുത്തുമാറ്റി പോര്‍ച്ചുഗീസ് ക്യാപ്റ്റന്‍ ക്രിസ്റ്റ്യാനോ റൊണാള്‍ഡോ വാര്‍ത്തകളില്‍ നിറഞ്ഞുനിന്നിരുന്നു.
After #POR captain Cristiano Ronaldo and his Coca Cola removal, #FRA’s Paul Pogba makes sure there’s no Heineken on display 🍺 #EURO2020
— Sacha Pisani (@Sachk0) June 16, 2021
