മകളെ പീഡിപ്പിച്ചെന്ന പരാതി: ഒന്നര വർഷം ജയിലിൽ കഴിഞ്ഞ അച്ഛൻ കുറ്റക്കാരനല്ലെന്ന് കോടതി

മ​ഞ്ചേ​രി: അച്ഛൻ ബ​ലാ​ത്സം​ഗം ചെ​യ്തു​വെ​ന്ന മകളുടെ പ​രാ​തി​ മൂലം ഒ​ന്ന​ര വ​ർ​ഷം ജ​യി​ലി​ൽ ക​ഴി​ഞ്ഞ പി​താ​വ് കുറ്റം ചെയ്തിട്ടില്ലെന്ന് കണ്ട് മ​ഞ്ചേ​രി പോ​ക്സോ കോ​ട​തി വി​ട്ട​യ​ച്ചു. ച​ങ്ങ​രം​കു​ളം പോ​ലീ​സ് ചാ​ർ​ജ്ജ് ചെ​യ്ത കേ​സി​ലാ​ണ് 48കാ​ര​നാ​യ അച്ഛനെ കോടതി മോചിപ്പിച്ചത്.

2016 മാ​ർ​ച്ച് 18നാ​ണ് പതിനാറുകാരിയായ മകൾ ച​ങ്ങ​രം​കു​ളം പോ​ലീ​സി​ൽ പ​രാ​തി ന​ൽ​കി​യ​ത്. ജനുവരിയിൽ അമ്മ വീ​ട്ടി​ലി​ല്ലാ​ത്ത നേരത്ത് കി​ട​പ്പു​മു​റി​യി​ൽ വ​ച്ച് അച്ഛൻ തന്നെ ബ​ലാ​ത്സം​ഗം ചെ​യ്തു​വെ​ന്നാ​യി​രു​ന്നു പെൺകുട്ടിയുടെ പ​രാ​തി.

ഈ പരാതിയുടെ അടിസ്ഥാനത്തിലാണ് പെൺകുട്ടിയുടെ അച്ഛനെ ചങ്ങരം പൊലീസ് അറസ്റ്റ് ചെയ്യുന്നത്. അച്ഛനെ കോടതി റീമാൻഡ് ചെയ്തിരുന്നു.

പ്രതിയെ ജാ​മ്യ​ത്തി​ലെ​ടു​ക്കാ​ൻ ആ​രും ത​യാ​റാ​കാ​ത്ത​തി​നെ തു​ട​ർ​ന്നു ഒ​ന്ന​ര വ​ർ​ഷ​ത്തോ​ളം റി​മാ​ൻ​ഡി​ൽ ക​ഴി​യേ​ണ്ടി വ​ന്നു. കഴിഞ്ഞ വര്ഷം ഡി​സം​ബ​ർ 11നാ​ണ് അച്ഛന് ജാമ്യം ലഭിക്കുന്നത്.

ഇ​ത​ര സം​സ്ഥാ​ന തൊ​ഴി​ലാ​ളി​യു​മാ​യു​ള്ള മകളുടെ പ്ര​ണ​യത്തെ അച്ഛൻ എ​തി​ർ​ത്ത​തി​ലു​ള്ള വിരോധമാണ് അച്ഛനെതിരെ പ​രാ​തി ന​ൽ​കാൻ കാരണമായതെന്നുള്ള പ്ര​തി​ഭാ​ഗം വക്കീൽ ടി. ​അ​ബ്ബാ​സി​ന്‍റെ വാ​ദം കോ​ട​തി അംഗീകരിച്ചതിലൂടെയാണ് അച്ഛനെ വിട്ടയച്ചത്.

കേസിൽ പെൺകുട്ടിയുടെ അമ്മ ര​ണ്ടാം സാ​ക്ഷി​യാ​യി​രു​ന്നു. പക്ഷെ, അമ്മയെ വി​സ്ത​രി​ക്കാ​ൻ പ്രോ​സി​ക്യൂ​ഷ​ൻ ത​യാ​റാ​യി​ല്ല. എന്നാൽ പ്ര​തി​ഭാ​ഗം വി​സ്ത​രി​ച്ച​പ്പോ​ൾ അമ്മ പ്ര​തി​ക്ക് അ​നു​കൂ​ല​മാ​യി മൊ​ഴി ന​ൽ​കിയിരുന്നു.