പേരക്കുട്ടിയെ ലൈംഗികമായി പീഡിപ്പിച്ചെന്ന് ആരോപണം; പിന്നാലെ സ്വയം വെടിവെച്ച് മരിച്ച് ഉത്തരാഖണ്ഡ് മുന്‍ മന്ത്രി
ഡൂള്‍ന്യൂസ് ഡെസ്‌ക്
Saturday, 28th May 2022, 10:57 am
ഡെറാഡൂണ്‍: പീഡനാരോപണം നേരിട്ട ഉത്തരാഖണ്ഡ് മുന്‍മന്ത്രി സ്വയം വെടിവെച്ച് മരിച്ചു. പേരക്കുട്ടിയെ ലൈംഗികമായി പീഡിപ്പിച്ചു എന്ന മരുമകളുടെ പരാതി വന്ന് ദിവസങ്ങള്‍ക്കകമാണ് 59കാരനായ രാജേന്ദ്ര ബഹുഗുണ ആത്മഹത്യ ചെയ്തത്.
ബുധനാഴ്ചയായിരുന്ന സംഭവം.
മരുമകളുടെ പരാതിയെത്തുടര്‍ന്ന് ഇയാള്‍ക്കെതിരെ പോക്‌സോ വകുപ്പ് പ്രകാരം കേസെടുത്തിരുന്നതായി സര്‍ക്കിള്‍ ഓഫീസര്‍ ഭൂപീന്ദന്‍ സിംഗ് ധോണി പറഞ്ഞു.
ഇയാളുടെ അയല്‍വാസിയായ സവിത എന്ന മറ്റൊരു സ്ത്രീയും ഇയാള്‍ക്കെതിരെ പരാതി നല്‍കിയിരുന്നതായാണ് ഭൂപീന്ദന്‍ സിംഗ് ധോണി പറഞ്ഞത്. തന്നെ രാജേന്ദ്ര ബഹുഗുണ ചൂഷണം ചെയ്തതായും ഭീഷണിപ്പെടുത്തിയതായും ആക്രമിച്ചതായുമാണ് സവിത പരാതി നല്‍കിയിരുന്നത്.
