'മടിയന്മാരായ' ബി.ജെ.പി എം.പിമാരെ പിടിക്കാന്‍ മോദി; രാജ്യസഭയില്‍ ഹാജരാകാത്തവരുടെ പേര് നല്‍കാന്‍ നിര്‍ദ്ദേശം
ഡൂള്‍ന്യൂസ് ഡെസ്‌ക്
Tuesday, 10th August 2021, 2:47 pm
ന്യൂദല്‍ഹി: രാജ്യസഭയില്‍ നിന്ന് കഴിഞ്ഞദിവസം വിട്ടുനിന്ന ബി.ജെ.പി എം.പിമാരുടെ പേര് നല്‍കാന്‍ ആവശ്യപ്പെട്ട് പ്രധാനമന്ത്രി നരേന്ദ്ര മോദി.
പാര്‍ട്ടി എം.പിമാരുടെ യോഗത്തിലാണ് പ്രധാനമന്ത്രി ഇക്കാര്യം അറിയിച്ചതെന്നാണ് സൂചന. പുറത്തുവരുന്ന റിപ്പോര്‍ട്ടുകള്‍ പ്രകാരം നിരവധി ബി.ജെ.പി എം.പിമാര്‍ ഇന്നലെ രാജ്യസഭയില്‍ ഹാജരായിട്ടില്ല.
ചൊവ്വാഴ്ചയും ബുധനാഴ്ചയും സുപ്രധാനമായ ബില്ലുകള്‍ പാസാക്കാനുള്ളതുകൊണ്ട് എം.പിമാരോട് രാജ്യസഭയില്‍ ഹാജരാകണമെന്ന് പാര്‍ട്ടി അറിയിച്ചിരുന്നു.
പെഗാസസ് ഫോണ്‍ ചോര്‍ത്തല്‍ വിവാദത്തിന്റെ പേരില്‍ പാര്‍ലമെന്റില്‍
പ്രതിപക്ഷം ശക്തമായ പ്രതിഷേധം ഉയര്‍ത്തുന്നുണ്ട്. ബഹളത്തിനിടയില്‍ പല സുപ്രധാന ബില്ലുകളും കേന്ദ്രം പാസാക്കിയിട്ടുമുണ്ട്.
