'പരീക്ഷ പേ ചര്‍ച്ചയല്ല വേണ്ടത്, ആളുകള്‍ക്ക് അവരുടെ ബിരുദത്തെക്കുറിച്ച് സംസാരിക്കാനുള്ള അവസരം കൊടുക്കൂ'; മോദിയെ വിമര്‍ശിച്ച് കപില്‍ സിബല്‍
ഡൂള്‍ന്യൂസ് ഡെസ്‌ക്
Monday, 20th January 2020, 7:41 pm
ന്യൂദല്‍ഹി: പ്രധാന മന്ത്രി നരേന്ദ്ര മോദിയുടെ പരീക്ഷ പേ ചര്‍ച്ചയ്‌ക്കെതിരെ വിമര്‍ശനവുമായി മുതിര്‍ന്ന കോണ്‍ഗ്രസ് നേതാവ് കപില്‍ സിബല്‍.
പരീക്ഷ പേ ചര്‍ച്ചയുടെ പേരില്‍ പരീക്ഷയ്ക്ക് തയ്യാറെടുക്കാനുള്ള വിദ്യാര്‍ത്ഥികളുടെ വിലപ്പെട്ട സമയമാണ് മോദി കളയുന്നതെന്ന് കപില്‍ സിബല്‍ ആരോപിച്ചു.
” പ്രധാനമന്ത്രി വിദ്യാര്‍ത്ഥികളെ ഒറ്റയ്ക്ക് വിടുകയാണ് വേണ്ടത് എന്നാണ് എന്റെ അഭിപ്രായം. കാരണം ഇതവര്‍ക്ക് പരീക്ഷയ്ക്ക് പഠിക്കാനുള്ള സമയമാണ്. അവരുടെ സമയം അദ്ദേഹം പാഴാക്കരുത്”, കപില്‍ സിബല്‍ എ.എന്‍.ഐ യോട് പറഞ്ഞു.
