'ചെങ്കോലിന് പിന്നാലെ ജെല്ലിക്കെട്ടിനിറങ്ങി മോദി'; അഞ്ച് മാറി 25 വരും; തമിഴ്‌നാട്ടില്‍ പുതിയ നീക്കവുമായി ബി.ജെ.പി
ഡൂള്‍ന്യൂസ് ഡെസ്‌ക്
Tuesday, 20th June 2023, 8:31 pm
ചെന്നൈ: 2024 ലോക്‌സഭാ തെരഞ്ഞെടുപ്പ് ലക്ഷ്യമിട്ട് തമിഴ്‌നാട്ടില്‍ പുതിയ നീക്കവുമായി ബി.ജെ.പി. അടുത്ത വര്‍ഷം ജനുവരിയില്‍ തമിഴ്‌നാട്ടില്‍ പൊങ്കല്‍ സമയത്ത് നടക്കാനിരിക്കുന്ന ജെല്ലിക്കെട്ടില്‍ പ്രധാനമന്ത്രി നരേന്ദ്ര മോദി പങ്കെടുക്കുമെന്ന് ബി.ജെ.പി അറിയിച്ചു. ബി.ജെ.പി തമിഴ്‌നാട് അധ്യക്ഷന്‍ കെ. അണ്ണാമലൈ ആണ് ഇക്കാര്യം പ്രഖ്യാപിച്ചത്.
ബി.ജെ.പിയുടെ ഉത്തരേന്ത്യന്‍ പാര്‍ട്ടി എന്ന പ്രതിച്ഛായ മാറ്റാനുള്ള ശ്രമങ്ങളുടെ തുടര്‍ച്ചയാണ് ഈ നീക്കമെന്നാണ് റിപ്പോര്‍ട്ടുകള്‍. 2017ലെ ജെല്ലിക്കെട്ട് പ്രക്ഷോഭത്തില്‍ ബി.ജെ.പിക്കും മോദിക്കുമെതിരെ ശക്തമായ വിമര്‍ശനം ഉയര്‍ന്നിരുന്നു. തമിഴ്‌നാട്ടില്‍ 25 ലോക്‌സഭാ സീറ്റുകളിലാണ് ബി.ജെ.പി വിജയം ലക്ഷ്യം വെക്കുന്നതെന്ന് അമിത് ഷാ മുമ്പ് വ്യക്തമാക്കിയിരുന്നു.
