നിരപരാധികളായ പൊതുജനങ്ങളെയാണ് അനധികൃതമായി അറസ്റ്റുചെയ്തത്; മോദിക്കെതിരെ പോസ്റ്റര്‍ പതിപ്പിച്ചവര്‍ക്കെതിരെ എടുത്ത എഫ്.ഐ.ആര്‍ റദ്ദുചെയ്യണെമന്നാവശ്യപ്പെട്ട് സുപ്രീംകോടതിയില്‍ ഹരജി
ഡൂള്‍ന്യൂസ് ഡെസ്‌ക്
Monday, 17th May 2021, 8:27 pm
ന്യൂദല്‍ഹി: പ്രധാനമന്ത്രി നരേന്ദ്ര മോദിക്കെതിരെ പോസ്റ്റര്‍ പതിച്ചവര്‍ക്കെതിരെ ദല്‍ഹി പൊലീസ് രജിസ്റ്റര്‍ ചെയ്ത എഫ്.ഐ.ആര്‍ റദ്ദ് ചെയ്യണമെന്നാവശ്യപ്പെട്ട് സുപ്രീംകോടതിയില്‍ ഹരജി.
അഭിഭാഷകനായ പ്രദീപ് കുമാര്‍ യാദവ് ആണ് ഹരജി സമര്‍പ്പിച്ചത്. കൂടുതല്‍ കേസുകള്‍ ചുമത്തരുതെന്ന് ദല്‍ഹി കമ്മീഷണര്‍ക്ക് സുപ്രീംകോടതി നിര്‍ദ്ദേശം നല്‍കണമെന്നും ഹരജിയില്‍ പറയുന്നു.
നിരപരാധികളായ പൊതുജനങ്ങളെ അനധികൃതമായി അറസ്റ്റുചെയ്യുന്നതില്‍ കോടതി ഇടപെടാന്‍ താന്‍ ആഗ്രഹിക്കുന്നുവെന്ന് യാദവ് പറഞ്ഞു.
കൊവിഡ് വ്യാപനം കൈകാര്യം ചെയ്യുന്നതില്‍ മോദി പരാജയപ്പെട്ടെന്ന് ചൂണ്ടിക്കാട്ടിയുള്ള പോസ്റ്റര്‍ പതിച്ചതിനാണ് ദല്‍ഹി പൊലീസ് 25 പേരിലധികം പേരെ അറസ്റ്റ് ചെയ്ത് എഫ്.ഐ.ആര്‍ രജിസ്റ്റര്‍ ചെയ്തത്.
