'അവര്‍ രണ്ടുരൂപത്തില്‍ കുറ്റവാളികളാണ്, ഒന്ന് ജന്മംകൊണ്ടും രണ്ട് കമ്യൂണിസ്റ്റ് ചിന്തയെ ആശ്ലേഷിച്ചതുകൊണ്ടും'; പി.കെ പോക്കര്‍
ഡൂള്‍ന്യൂസ് ഡെസ്‌ക്
Wednesday, 20th November 2019, 3:15 pm
മാവോയിസ്റ്റ് ബന്ധമാരോപിച്ച് യു.എ.പി.എ ചുമത്തി അറസ്റ്റിലായ താഹ ഫസലിന്റെയും അലന്‍ ശുഹൈബിന്റെയും മതപരമായ പശ്ചാത്തലങ്ങള്‍ ചര്‍ച്ചാവുന്ന സാഹചര്യത്തില്‍ ഹിറ്റ്ലറുടെ കാലത്തെ വാള്‍ട്ടര്‍ ബെഞ്ചമിനെ ചൂണ്ടിക്കാണിച്ച് സാംസ്‌കാരിക പ്രവര്‍ത്തകനും സി.പി.ഐ.എം സഹയാത്രികനുമായ പി.കെ പോക്കര്‍.
അലന്റെയും താഹയുടെയും മത പശ്ചാത്തലത്തെ മുന്‍നിര്‍ത്തി ഇരുവരും മുസ്‌ലിം തീവ്രവാദികളാണെന്ന് സംഘപരിവാര്‍ വ്യപകമായി പ്രചരണം നടത്തിയിരുന്നു. മുസ്‌ലിം തീവ്രവാദ സംഘടനകളാണ് മാവോയിസ്റ്റുകള്‍ക്ക് വെള്ളവും വളവും നല്‍കുന്നതെന്ന സി.പി.ഐ.എം. കോഴിക്കോട് ജില്ലാ സെക്രട്ടറി പി. മോഹനന്റെ പ്രസ്താവനയും വിവാദമായിരുന്നു. ഈ സാഹചര്യത്തിലാണ് വാള്‍ട്ടര്‍ ബെഞ്ചമിനെ ഓര്‍മ്മിച്ചുകൊണ്ടുള്ള പി.കെ പോക്കറുടെ ഫേസ്ബുക്ക് പോസ്റ്റ്.
