എല്‍.ഡി.എഫ് ജയം ചക്ക വീണപ്പോള്‍ മുയല്‍ ചത്തത്; ബി.ജെ.പി പറയുന്ന അതേ വര്‍ത്തമാനമാണ് സി.പി.ഐ.എമ്മും പറയുന്നതെന്നും പി.കെ കുഞ്ഞാലിക്കുട്ടി
ഡൂള്‍ന്യൂസ് ഡെസ്‌ക്
Sunday, 31st January 2021, 7:19 pm
കാസര്‍ഗോഡ്: കേരളത്തിലെ പഞ്ചായത്ത് തെരഞ്ഞെടുപ്പിലെ എല്‍.ഡി.എഫിന്റെ വിജയം ചക്ക വീണപ്പോള്‍ മുയല്‍ ചത്തത് പോലെയാണെന്ന് മുസ്‌ലീം ലീഗ് നേതാവ് പി.കെ കുഞ്ഞാലി കുട്ടി.
കാസര്‍ഗോഡ് കുമ്പളയില്‍ ആരംഭിച്ച യു.ഡി.എഫിന്റെ ഐശ്വര്യകേരളം യാത്രയുടെ ഉദ്ഘാടനത്തിനോട് അനുബന്ധിച്ച് സംസാരിക്കുകയായിരുന്നു അദ്ദേഹം.
അടുത്ത 5 വര്‍ഷം കേരളം വാഴുക ഐക്യമുന്നണിയാവുമെന്നും അദ്ദേഹം പറഞ്ഞു. മുസ്‌ലീം ലീഗിനേയും കോണ്‍ഗ്രസിനേയും തെറ്റിപ്പിക്കാനാണ് സി.പി.ഐ.എം ഇപ്പോള്‍ ശ്രമിക്കുന്നതെന്നും പി.കെ കുഞ്ഞാലിക്കുട്ടി പറഞ്ഞു.
