താമരശ്ശേരി ബിഷപ്പ് ഹൗസിലെത്തി കുഞ്ഞാലിക്കുട്ടിയും എം.കെ മുനീറും; കൂടിക്കാഴ്ച തിരുവമ്പാടി മണ്ഡലത്തില്‍ പിന്തുണ തേടി
ഡൂള്‍ന്യൂസ് ഡെസ്‌ക്
Sunday, 28th February 2021, 11:11 am
താമരശ്ശേരി: തിരുവമ്പാടി മണ്ഡലത്തിലെ സ്ഥാനാര്‍ത്ഥിക്കായി പിന്തുണ തേടി മുസ്‌ലിം ലീഗ് നേതാക്കളായ എം.കെ മുനീറും പി.കെ കുഞ്ഞാലികുട്ടിയും താമരശ്ശേരി ബിഷപ്പ് ഹൗസിലെത്തി.
തിരുവമ്പാടി മണ്ഡലത്തില്‍ മുസ്‌ലിം ലീഗ് സ്ഥാനാര്‍ത്ഥിയെ മത്സരിപ്പിക്കുന്നതിന് പിന്തുണ തേടിയാണ് ഇരുവരും എത്തിയിരിക്കുന്നത്. ബിഷപ്പ് റമിജിയോസ് ഇഞ്ചനാലിയലുമായിട്ടാണ് കൂടിക്കാഴ്ച്ച നടത്തുന്നത്.
മണ്ഡലത്തില്‍ ക്രിസ്ത്യന്‍ സ്ഥാനാര്‍ത്ഥി വേണമെന്ന് നേരത്തെ സഭ അഭിപ്രായപ്പെട്ടിരുന്നു. നിലവില്‍ തിരുവമ്പാടി മണ്ഡലത്തില്‍ മുസ്‌ലിം ലീഗിനെയാണ് പരിഗണിക്കുന്നത്.
