അവസാന നിമിഷത്തിലെ തിരിച്ചടി; ജോസഫ് വിഭാഗത്തിന്റെ വോട്ട് എല്‍.ഡി.എഫിന്, മുട്ടാറില്‍ ഭരണം നഷ്ടമായി യു.ഡി.എഫ്
ഡൂള്‍ന്യൂസ് ഡെസ്‌ക്
Wednesday, 30th December 2020, 12:55 pm
ആലപ്പുഴ: ആലപ്പുഴ മുട്ടാര്‍ ഗ്രാമപഞ്ചായത്തില്‍ യു.ഡി.എഫിന് തിരിച്ചടി. ഭരണം ഉറപ്പിച്ചിരുന്ന യു.ഡി.എഫിന് കേരള കോണ്‍ഗ്രസ് പി.ജെ.ജോസഫ് വിഭാഗത്തിലെ രണ്ട് അംഗങ്ങള്‍ അപ്രതീക്ഷിതമായി എല്‍.ഡി.എഫിന് വോട്ട് ചെയ്തതാണ് തിരിച്ചടിയായത്.
പി.ജെ.ജോസഫ് വിഭാഗത്തിലെ ലിനി ജോസഫ്, ഏതന്‍ ജോസഫ് എന്നിവര്‍ മുന്നണി മാറി എല്‍.ഡി.എഫിന് വോട്ടു ചെയ്യുകയായിരുന്നു. ഇവര്‍ യു.ഡി.എഫിനായിരുന്നു വോട്ട് ചെയ്യേണ്ടിയിരുന്നത്.
ഏറെക്കാലമായി മുട്ടാര്‍ പഞ്ചായത്ത് യു.ഡി.എഫിന്റെ കൈയിലുള്ളതാണ്. ഇവിടെയാണ് നാടകീയ നീക്കത്തിനൊടുവില്‍ പി.ജെ.ജോസഫ് വിഭാഗത്തിലെ രണ്ട് അംഗങ്ങള്‍ ഇടതുപക്ഷത്തിന് പിന്തുണ നല്‍കിയിരിക്കുന്നത്.
