രണ്ടാം ഇടതുപക്ഷ സര്‍ക്കാരിന്റെ മുഖ്യമന്ത്രിയായി പിണറായി വിജയന്‍ സത്യപ്രതിജ്ഞ ചെയ്തു
ഡൂള്‍ന്യൂസ് ഡെസ്‌ക്
Thursday, 20th May 2021, 3:57 pm
തിരുവനന്തപുരം: പിണറായി വിജയന്‍ രണ്ടാം എല്‍.ഡി.എഫ് സര്‍ക്കാരില്‍ മുഖ്യമന്ത്രിയായി സത്യപ്രതിജ്ഞ ചെയ്തു. ഗവര്‍ണറാണ് സത്യവാചകം ചൊല്ലിക്കൊടുത്തത്.
തിരുവനന്തപുരം സെന്‍ട്രല്‍ സ്റ്റേഡിയത്തില്‍ വെച്ചാണ് സത്യപ്രതിജ്ഞാ ചടങ്ങ് നടക്കുന്നത്. രണ്ടാം തവണയാണ് മുഖ്യമന്ത്രിയായി പിണറായി വിജയന്‍ മുഖ്യമന്ത്രിയായി അധികാരത്തിലേറുന്നത്.
മുഖ്യമന്ത്രിക്ക് ശേഷം ഘടകക്ഷി മന്ത്രിമാരാണ് സത്യപ്രതിജ്ഞ ചെയ്യുക.
അതേസമയം പ്രതിപക്ഷം സത്യപ്രതിജ്ഞാ ചടങ്ങില്‍ നിന്നും വിട്ടു നിന്നു. ചടങ്ങ് ബഹിഷ്‌കരിക്കുകയല്ലെന്നും കൊവിഡ് പ്രോട്ടോക്കോള്‍ പാലിച്ച് ചടങ്ങില്‍ നിന്ന് മാറി നില്‍ക്കുകയാണെന്നുമാണ് നിലവിലെ പ്രതിപക്ഷ നേതാവ് രമേശ് ചെന്നിത്തല പറഞ്ഞത്. വെര്‍ച്വല്‍ ആയി ചടങ്ങില്‍ പങ്കെടുക്കുമെന്നും അദ്ദേഹം നേരത്തെ അറിയിച്ചിരുന്നു.
