കര്‍ഷക സമരത്തെ കുറിച്ച് അഭിപ്രായം പറയാത്ത ഏക ബി.ജെ.പി ഇതര മുഖ്യമന്ത്രി; പിണറായിയ്‌ക്കെതിരെ മുരളീധരന്‍
ഡൂള്‍ന്യൂസ് ഡെസ്‌ക്
Sunday, 24th October 2021, 12:48 pm
തൃശൂര്‍: മുഖ്യമന്ത്രി പിണറായി വിജയന്‍ കോണ്‍ഗ്രസിന്റെ പതനമാണ് ആഗ്രഹിക്കുന്നതെന്ന് കെ. മുരളീധരന്‍ എം.പി. കേരളത്തില്‍ സി.പി.ഐ.എം നരേന്ദ്രമോദിയുടെ കാര്‍ബണ്‍ കോപ്പിയാണെന്നും അദ്ദേഹം പറഞ്ഞു.
‘ നരേന്ദ്ര മോദിയും അമിത് ഷായും കഴിഞ്ഞാല്‍ കോണ്‍ഗ്രസിന്റെ നാശം ആഗ്രഹിക്കുന്നത് പിണറായി വിജയനാണ്. പകല്‍ സി.പി.ഐ.എമ്മും രാത്രിയില്‍ ബി.ജെ.പിയുമായ നേതാവാണ് പിണറായി,’ മുരളീധരന്‍ പറഞ്ഞു.
പിണറായിക്ക് ചുവപ്പിനേക്കാള്‍ താത്പര്യം കാവിയോടാണെന്നും അദ്ദേഹം പറഞ്ഞു. കര്‍ഷക സമരത്ത കുറിച്ച് അഭിപ്രായം പറയാത്ത ഏക ബി.ജെ.പി ഇതര മുഖ്യമന്ത്രിയാണ് പിണറായി വിജയനെന്നും മുരളീധരന്‍ കുറ്റപ്പെടുത്തി.
ബി.ജെ.പി- സി.പി.ഐ.എം കൂട്ടുകെട്ട് കാരണമാണ് ലാവ്ലിന്‍ കേസ് നീണ്ടുപോകുന്നത്. ദേശീയതലത്തില്‍ ബി.ജെ.പിക്കെതിരായ കേന്ദ്ര ബിന്ദു കോണ്‍ഗ്രസാണെന്നും അദ്ദേഹം പറഞ്ഞു.
