മുഖ്യമന്ത്രിയെന്ന നിലയില്‍ പിണറായി വിജയന്റെ പ്രവര്‍ത്തനം മികച്ചതെന്ന് ഏഷ്യാനെറ്റ്-സീ ഫോര്‍ സര്‍വേ
ഡൂള്‍ന്യൂസ് ഡെസ്‌ക്
Friday, 3rd July 2020, 8:12 pm
തിരുവനന്തപുരം: മുഖ്യമന്ത്രിയെന്ന നിലയില്‍ പിണറായി വിജയന്റെ പ്രവര്‍ത്തനം മികച്ചതെന്ന് ഏഷ്യാനെറ്റ്-സീ ഫോര്‍ സര്‍വേ. 9 ശതമാനം പേര്‍ വളരെ മികച്ചതെന്നും മികച്ചതെന്ന് 45 ശതമാനം പേരും അഭിപ്രായപ്പെട്ടു. സര്‍വേയില്‍ പങ്കെടുത്ത 54 ശതമാനം പേരും മുഖ്യമന്ത്രിയുടെ പ്രവര്‍ത്തനത്തെ അനുകൂലിക്കുന്നു.
അതേസമയം 27 ശതമാനം തൃപ്തികരമെന്നും 19 ശതമാനം പേര്‍ മോശമെന്നും അഭിപ്രായപ്പെട്ടു.
കൊവിഡ് കാലത്ത് മുഖ്യമന്ത്രിയുടെ പ്രവര്‍ത്തനം വളരെ മികച്ചതെന്ന് 16 ശതമാനം പേരും മികച്ചതെന്ന് 51 ശതമാനം പേരും അഭിപ്രായപ്പെട്ടു. മഹാമാരി കാലത്തെ പ്രവര്‍ത്തനം മുഖ്യമന്ത്രിയുടെ ജനപ്രീതി ഉയര്‍ത്തിയെന്ന് 86 ശതമാനം പേരും അഭിപ്രായപ്പെട്ടു.
