'എന്റെ കൂടെ 23 എം.എല്‍.എമാരുണ്ട്'; വെല്ലുവിളിച്ച് സച്ചിന്‍ പൈലറ്റ്; രാജസ്ഥാന്‍ കോണ്‍ഗ്രസില്‍ രാഷ്ട്രീയ പ്രതിസന്ധി
ഡൂള്‍ന്യൂസ് ഡെസ്‌ക്
Sunday, 12th July 2020, 2:14 pm
ന്യൂദല്‍ഹി: രാജസ്ഥാന്‍ സര്‍ക്കാരിനുള്ളിലെ രാഷ്ട്രീയ പ്രതിസന്ധിയില്‍ നിലപാട് കടുപ്പുച്ച് ഉപമുഖ്യമന്ത്രി സച്ചിന്‍ പൈലറ്റ്. 23 എം.എല്‍.എമാര്‍ തനിക്കൊപ്പമുണ്ടെന്നും ആവശ്യമെങ്കില്‍ ഗെലോട്ടിന് മുന്നില്‍ തന്റെ ശക്തി പ്രകടിപ്പിക്കുമെന്നും സച്ചിന്‍ പൈലറ്റ് പറഞ്ഞു.
കോണ്‍ഗ്രസ് ദേശീയ നേതാക്കളുമായി ചര്‍ച്ച നടത്താന്‍ പൈലറ്റ് ദല്‍ഹിയിലെത്തിയിരിക്കുകയാണ്. മുഖ്യമന്ത്രി അശോക് ഗെലോട്ടിന്റെ ഭരണത്തില്‍ അസംതൃപ്തരായ 12 എം.എല്‍.എമാരും പൈലറ്റിനൊപ്പം ദല്‍ഹിയില്‍ എത്തിയിട്ടുണ്ട്.
കഴിഞ്ഞ ദിവസം പാര്‍ട്ടി മുതിര്‍ന്ന നേതാവ് അഹമ്മദ് പട്ടേലുമായി പൈലറ്റ് കൂടിക്കാഴ്ച നടത്തിയിരുന്നു. ഇന്ന് പാര്‍ട്ടി അധ്യക്ഷ സോണിയ ഗാന്ധിയെ കാണും.
