മെയ് 28ന് ഉത്തര്‍പ്രദേശില്‍ വ്യാജമദ്യ ദുരന്തത്തില്‍ 23പേര്‍ മരിച്ചതിന് ശേഷം സോഷ്യല്‍ മീഡിയയില്‍ ഒരു ചിത്രം പ്രചരിക്കുന്നുണ്ട്. ‘ഇന്ന് രാത്രി മുതല്‍ രാജ്യത്ത് മദ്യം നിരോധിച്ചു’ എന്ന് നരേന്ദ്രമോഡി പ്രഖ്യാപിക്കുന്നതിന്റെ ചിത്രമാണ് പ്രചരിക്കുന്നത്. ആജ് തക്ക് ചാനലിന്റെ ലോഗോയും ചിത്രത്തിനോടൊപ്പമുണ്ട്.
എന്നാല്‍ ഈ ചിത്രം വ്യാജമാണ്. നരേന്ദ്രമോഡി മദ്യം നിരോധിച്ചു കൊണ്ട് ഉത്തരവ് പുറത്തിറക്കിയിട്ടില്ല. ചിത്രത്തില്‍ കാണുന്ന ചാനല്‍ ലോഗോയും മോര്‍ഫ് ചെയ്തതാണ്.
നിരവധി പേരാണ് ഈ പോസ്റ്റ് ഫേസ്ബുക്കിലും ട്വിറ്ററിലുമൊക്കെ ഷെയര്‍ ചെയ്തിരിക്കുന്നത്. മിസോറാമിലാണ് മദ്യ നിരോധനം വീണ്ടും നടപ്പിലാക്കിയത്. 2016ല്‍ പുതുവര്‍ഷ രാവില്‍ മോഡി രാജ്യത്തെ അഭിമുഖീകരിക്കുന്ന ചിത്രമെടുത്താണ് വ്യാജ ചിത്രം തയ്യാറാക്കിയിട്ടുള്ളത്.