വീണ്ടും മിഥുന്‍ മാനുവല്‍ തോമസിന്റെ ത്രില്ലര്‍; ഫീനിക്‌സ് ഫസ്റ്റ് ലുക്ക്
എന്റര്‍ടെയിന്‍മെന്റ് ഡെസ്‌ക്
Wednesday, 3rd May 2023, 6:42 pm
മിഥുന്‍ മാനുവല്‍ തോമസിന്റെ തിരക്കഥയില്‍ ഹൊറര്‍ ത്രില്ലര്‍ ചിത്രം. ‘ഫീനിക്‌സ് ‘ ടൈറ്റില്‍ ലുക്ക് പോസ്റ്റര്‍ പുറത്തിറങ്ങി. 21 ഗ്രാംസ് എന്ന ചിത്രത്തിന് ശേഷം ഫ്രണ്ട് റോ പ്രൊഡക്ഷന്‍സിന്റെ ബാനറില്‍ റിനീഷ് കെ.എന്‍. നിര്‍മിക്കുന്ന ചിത്രം വിഷ്ണു ഭരതനാണ് സംവിധാനം ചെയ്യുന്നത്.
ചിത്രത്തില്‍ അനൂപ് മേനോന്‍, അജു വര്‍ഗീസ്, ചന്തുനാഥ് എന്നിവരാണ് പ്രധാന വേഷത്തില്‍ എത്തുന്നത്. മലയാള സിനിമാ പ്രേക്ഷകര്‍ ഒന്നടങ്കം സ്വീകരിച്ച സൂപ്പര്‍ ഹിറ്റ് ചിത്രം ”അഞ്ചാം പാതിരാ”യുടെ സംവിധായകനും തിരക്കഥാകൃത്തും കൂടിയായ മിഥുന്‍ മാനുവല്‍ തോമസാണ് ഈ ചിത്രത്തിന്റ തിരക്കഥ നിര്‍വ്വഹിക്കുന്നത് എന്നത് തന്നെയാണ് പ്രേക്ഷകര്‍ക്ക് ഈ ചിത്രം നല്‍കുന്ന ഏറ്റവും വലിയ പ്രതീക്ഷ.
