ഇന്ധനവില വീണ്ടുമുയര്‍ന്നു; എട്ടുദിവസം കൊണ്ട് വര്‍ധിച്ചത് 2 രൂപയിലധികം
ഡൂള്‍ന്യൂസ് ഡെസ്‌ക്
Tuesday, 24th September 2019, 9:28 am
കോഴിക്കോട് : രാജ്യത്ത് ഇന്ധന വില വീണ്ടുമുയര്‍ന്നു. പെട്രോള്‍ ലിറ്ററിന് ഇന്ന് 23 പൈസയും ഡീസലിന് 15 പൈസയും ഇന്ന് വര്‍ധിച്ചു. തുടര്‍ച്ചയായ എട്ടാം ദിവസമാണ് ഇന്ധന വിലയില്‍ വര്‍ധനവ് ഉണ്ടാകുന്നത്.
എട്ടുദിവസം കൊണ്ട് സംസ്ഥാനത്ത് പെട്രോളിന് 2 രൂപ 12 പൈസയും ഡീസലിന് 1 രൂപ 66 പൈസയും വര്‍ധിച്ചു. അന്താരാഷ്ട്രവിപണിയില്‍ വീപ്പയ്ക്ക് 64.93 ഡോളറാണ് അസംസ്‌കൃത എണ്ണയുടെ വില.
