ഒമ്പതാം ദിവസവും പെട്രോളിനും ഡീസലിനും വില കൂടി; ഒരാഴ്ചകൊണ്ട് കൂടിയത് അഞ്ചുരൂപയിലേറെ
ഡൂള്‍ന്യൂസ് ഡെസ്‌ക്
Monday, 15th June 2020, 7:44 am
കൊച്ചി: രാജ്യത്ത് തുടര്‍ച്ചയായ ഒമ്പതാം ദിവസവും ഇന്ധന വില വര്‍ധിച്ചു. പെട്രോളിന് 48 പൈസയും ഡീസലിന് 59 പൈസയുമാണ് വര്‍ധിച്ചത്. ഇതോടെ പെട്രോളിന് ഒമ്പത് ദിവസം കൊണ്ട് വര്‍ധിച്ചത് 5.01 രൂപയാണ്. ഡീസലിന് അഞ്ച് രൂപയും കൂടി.
പുതിയ നിരക്ക് നിലവില്‍ വരുന്നതോടെ കൊച്ചിയില്‍ പെട്രോള്‍ ലിറ്ററിന് 76.52 പൈസ നല്‍കണം. ഡീസലിന് 70.75 പൈസയാണ് പുതിയ വില.
ഇന്ധന വില അടിക്കടി വര്‍ധിപ്പിക്കുന്നതിനെതിരെ രാജ്യത്തിന്റെ വിവിധ മേഖലകളില്‍നിന്നും കടുത്ത വിമര്‍ശനം ഉയരുന്നതിനിടെയാണ് വീണ്ടും വില വര്‍ധിപ്പിച്ചിരിക്കുന്നത്. അസംസ്‌കൃത എണ്ണയുടെ വിലയ്ക്കനുസരിച്ച് രാജ്യത്തെ ഇന്ധന വില ക്രമീകരിക്കണമെന്ന് കേരളവും കേന്ദ്രത്തോട് ആവശ്യപ്പെട്ടിട്ടുണ്ട്.
